ताप्लेजुङ सुनसरी सरोकार समाजको भव्य भवन(फोटोफिचर)
भवन निर्माणको लागि मेन्याङ्बोले एक कट्ठा सात धुर जग्गा समाजलाई निःशुल्क दिएका थिए । जसको मुल्य मात्र अहिले एक करोड माथि छ । समाजको भवन चार तलाको छ । ‘करिब २० महिना समय लगाएर भवन तयार भएको छ, ताप्लेजुङ जन्मेर पनि धरान सुनसरी कर्मथलो भएकाहरुले बनाएकोले पनि भवनको पृथक र बिशेष महत्व छ’–समाजका अध्यक्ष एवं धरानका पुर्वमेयर मनोज मेन्याङ्बोले भने ।
हल, गेष्ट रुमलगायतको नाम ताप्लेजुङको ऐतिहासिक थातथलो झल्कने गरि राखिएको छ । सबैभन्दा माथिल्लो तलाबाट धरानलाई चारैतिर नियाल्न सकिन्छ । ‘यहाँ प्रवेश गरेपछि ताप्लेजुङ जिल्ला आभास दिने गरि नाम राखिएको छ । सेमिनार हलको नाम कञ्चनजंघा, कोठाहरुको नाम फावा खोला थुम कक्ष, याङरुप थुम कक्षजस्ता राखिएको छ’–अध्यक्ष मेन्याङ्बोले भने–‘यहाँको सेवा उपभोग गर्दा भवन निर्माणमा सहयोग गरेर सिलामा नाम लेखाएकाहरुलाई २० प्रतिशत र साधारण सदस्यहरुलाई १० प्रतिशत छुटको व्यवस्था गर्नेछांै ।’ स्थानीयबासीलाई पनि साधारण सदस्यकोरुपमा समेट्ने उनले बताए । भवनबाट भएको आम्दानीबाट कार्यालय सञ्चालन, व्यवस्थापनबाहेक बाँकी रकम सबै समाजसेवामा खर्च गरिने उनले खुलाए ।
भवन निर्माणमा कुल खर्च एक करोड १८ लाख रुपैया भएको समाजले जनाएको छ । भवन निर्माणमा ५ हजार रुपैयादेखि १२ लाख ५० हजार रुपैयासम्म आर्थिक सहयोग भएको थियो । वचन दान ९९ लाख ९६ हजार ८ सय १४ रुपैया गरेमध्येबाट ८८ लाख २४ हजार ९ सय ९७ रुपैया प्राप्त भइसकेको समाजले जनाएको छ । हालसम्म १ करोड २६ हजार ८ सय ६७ रुपैया खर्च भइसकेको छ भने तिर्न बाकी रकम १८ लाख ५३ हजार ५ सय ६९ रुपैया रहेको समाजले जानकारी दिएको छ । यस्तै, बैकमा ७८ हजा ५ सय ७० रुपैया मौज्दात रहेको छ भने उठ्न बाँकी ११ लाख ७१ ह्जार ८ सय १७ रुपैया रहेको समाजे जनाएको छ ।
Comments
Post a Comment