बालबालिका प्रहरी कार्यालय पुग्दा(फोटोफिचर)
धरान । धरान १७, साउने बस्तीका १० बर्षीय राजन लकान्द्री रेल्वेस्थित पञ्चकन्या माविमा पढ्न जादा चोकमा दिनहुँजसो अस्थायी प्रहरी विटमा पुलिस देख्थे । पुलिस देखेपछि त्यसैपनि केटाकेटीहरु डराउछन् । उनलाई पनि पुलिसले पक्रेर लैजान्छ भनेर डर लाग्थ्यो । त्यसैले रेल्वे चोकमा फटाफट हिड्थे ।कक्षा ४ मा अध्ययनरत तिनै राजन शनिबार बिहान भने एक हुल बालबालिकाहरुसँग इलाका प्रहरी कार्यालय धरानमा छिरे । मन भित्र अलिअलि डर थियो । केहीबेरको छलफल पछि डिएसपी सुदमकुमार सिजापतिले सबै बालबालिकाहरुलाई प्रहरी कार्यालय घुमाउन लगे । राजनलाई त डिएसपी सिजापतिले काँधमा हात राखेर हिडाए । उनको मन ढक्क फुल्यो, र एक छिन अघिको डर गायब भयो । ‘डिएसपी सरले मेरो काँधमा हात राखेर घुमाउन लैजानुभयो, शुरुमा त डर लागेको थियो, तर पछि हरायो’–प्रहरी कार्यालय घुमिसकेपछि राजनले भने–‘अब पुलिससँग डर लाग्दैन, गल्ती नगरी डराउनु नपर्ने रैछ ।’
राजन र योयल मात्रै होइन, शनिबार धरानका विभिन्न २१ वटा वाल समुहका सय भन्दा बढी प्रतिनिधिहरु प्रहरी कार्यालय गएका थिए । २६ आंै अन्र्तराष्ट्रिय वाल दिवस(शुक्रबार)को सन्दर्भ पारेर युवा सञ्जाल धरानले बाल समुहका प्रनितिधिहरुलाई प्रहरी कार्यालय लगेको हो । प्रहरी देख्दा बालबालिकाहरु डराउने भएकोले वालमैत्री प्रहरीको अवधारणा विकास गराउन भ्रमण गराइएको युवा सञ्जालका अध्यक्ष प्रकाश कार्कीले बताए । ‘पुलिससँग बालबालिका डराउने होइन, बालमैत्री हुनुपर्छ भनेर उनीहरुलाई यहाँ ल्याएका हौं’–कार्कीले भने–‘बालबालिकाको केस हुदा कसरी आउने, कसलाई सम्पर्क गर्ने र उजुरी गर्ने भनेर उनीहरुलाई सजिलो हुन्छ ।’
सृर्जनशील उत्कृष्ट बाल समुह
धरानभरिका बाल समुहमध्ये धरान ११, गैरी गाउँस्थित सृर्जनशील बाल समुहले उत्कृष्ट बाल समुहको पुरस्कार पाएको छ । समुहको बर्षभरिको गतिविधिको लेखाजोखा तथा मुल्यांकनमा सृर्जनशील उत्कृष्ट ठहरिएको हो । शनिबार इलाका प्रहरी कार्यालयमा आयोजित एक कार्यक्रममा सृर्जनशीलले यो पुरस्कार थापेको हो ।युवा सञ्जालका अध्यक्ष प्रकाश कार्कीका अनुसार समुहको नियमित बैठक, माइन्युट, वचत र समुदायमा गरेको क्रियाकलापको आधारमा सृर्जनशीललाई उत्कृष्ट बाल समुहकोे पुरस्कार दिइएको हो ।
Comments
Post a Comment