धरान । पुर्वाञ्चलस्तरीय क्षेत्रीय बक्सिङ्ग प्रतियोगिता बिहिबारदेखि धरानमा शुरु भएको छ । तीन दिनसम्म हुने प्रतियोगिताको पहिलो दिन बिहिबार ५२ केजी र ५६ केजी तौल समुहका ५ खेल सकिएको छ । पहिलो दिनको खेल सकिदा ५२ केजी तौल समुहबाट सुनसरीका सन्तोष राई, झापाका अनिल राई, खोटाङ्गका महेश्वर राई, ५६ केजी तौल समुहबाट सुनसरीका महेश आले मगर र उदयपुरका मिलन श्रेष्ठ जित हासिल गर्दै सेमीफाइनल प्रवेश गरेका छन् ।
भानुचौकमा भएको उद्घाटन खेलमा ५२ केजीमा सुनसरीका सन्तोषले उदयपुरका जेस्मिन राईलाई टेक्निकल नकआउटको आधारमा हराउदै सेमिफाइनल यात्रा तय गरे भने सोही तौल समुहमा झापाका अनिलले इलामका सुमन टुडुलाई पोइन्टको आधारमा पन्छाउदै सेमीफाइनलमा स्थान सुरक्षित गरे । खोटाङ्गका महेश्वरले भने वाकओभरको आधारमा जित हात पारे । यसैगरि, ५६ केजी तौलमा सुनसरीका महेशले मोरङ्गका दुसेन्त राजवंशीलाई टेक्निकल नकआउटको आधारमा हराउदै सेमीफाइनल पुगेका छन् । सोही तौल समुहमा उदयपुरका मिलनले भने झापाका राजु तामाङ्गलाई पोइन्टको आधारमा पराजित गर्दै सेमीफाइनल स्थान बनाए ।
शनिबारसम्म सञ्चालन हुने प्रतियोगिताको उद्घाटन नेपाली सेनाको पुर्वी हेडक्वार्टरका प्रमुख सहायक रथी भरत मल्लले गरेका थिए । प्रतियोगितामा पुर्वाञ्चलका ७ जिल्लाका ३८ खेलाडीहरुले सहभागिता जनाएको आयोजक पुर्वाञ्चल क्षेत्रीय खेलकुद विकास समितिले जनाएको छ । प्रतियोगितामा सुनसरी, झापा, मोरङ्ग, इलाम, धनकुटा, उदयपुर र खोटङ जिल्ला सहभागी छ । प्रतियोगितमा ४९, ५२, ५६, ६०, ६४, ६९, ७५, ८१, ९१ र ९१ माथीको तौल समुह गरि कुल १० वटा तौल समुहमा स्पर्धा हुनेछ । शुक्रबार प्रतियोगिताको ११ वटा सेमीफाइनल खेल हुने नेपाल बक्सिङ्ग संघका टेक्निकल कमिटि अध्यक्ष अनुप लामाले जानकारी दिए ।
प्रतियोगिताको उद्घाटन समारोहमा गायक विशाल राईले गीत गाएर मनोरञ्जन पनि दिलाएका थिए । क्षेत्रीय प्रतियोगिता सातौं राष्ट्रिय खेलकुदको लागि खेलाडी छनौट प्रतियोगिता हो । प्रत्येक तौलa समुहबाट विजेता खेलाडी राष्ट्रिय खेलकुदको लागि चयन हुने र बन्द प्रशिक्षण पनि गराइनेछ आयोजक समितिका अध्यक्ष रविन नगरकोटीले बताए । राष्ट्रिय प्रतियोगिता सातौं राष्ट्रिय खेलकुदअन्र्तगत बक्सिङ्ग झापामा आयोजना हुदैछ ।
धरान । पुर्वाञ्चलस्तरीय क्षेत्रीय बक्सिङ्ग प्रतियोगिता बिहिबारदेखि धरानमा शुरु भएको छ । तीन दिनसम्म हुने प्रतियोगिताको पहिलो दिन बिहिबार ५२ केजी र ५६ केजी तौल समुहका ५ खेल सकिएको छ । पहिलो दिनको खेल सकिदा ५२ केजी तौल समुहबाट सुनसरीका सन्तोष राई, झापाका अनिल राई, खोटाङ्गका महेश्वर राई, ५६ केजी तौल समुहबाट सुनसरीका महेश आले मगर र उदयपुरका मिलन श्रेष्ठ जित हासिल गर्दै सेमीफाइनल प्रवेश गरेका छन् ।
भानुचौकमा भएको उद्घाटन खेलमा ५२ केजीमा सुनसरीका सन्तोषले उदयपुरका जेस्मिन राईलाई टेक्निकल नकआउटको आधारमा हराउदै सेमिफाइनल यात्रा तय गरे भने सोही तौल समुहमा झापाका अनिलले इलामका सुमन टुडुलाई पोइन्टको आधारमा पन्छाउदै सेमीफाइनलमा स्थान सुरक्षित गरे । खोटाङ्गका महेश्वरले भने वाकओभरको आधारमा जित हात पारे । यसैगरि, ५६ केजी तौलमा सुनसरीका महेशले मोरङ्गका दुसेन्त राजवंशीलाई टेक्निकल नकआउटको आधारमा हराउदै सेमीफाइनल पुगेका छन् । सोही तौल समुहमा उदयपुरका मिलनले भने झापाका राजु तामाङ्गलाई पोइन्टको आधारमा पराजित गर्दै सेमीफाइनल स्थान बनाए ।
Comments
Post a Comment