जलाधार कब्जा गर्ने भुमाफियाको ध्यान खानेपानी मुहानमा
धरान,पुष १२ । सर्दु जलाधार क्षेत्रको सरकारी जग्गा कब्जा गरेर प्लटिङ गरेको भुमाफिया गिरोहले सरकारी निकायसँगको मिलेमतोमा धरानबासीले उपभोग गरिरहेको खानेपानीको स्रोत(मुहान) पनि कब्जा गर्न लागेका छन् । प्लटिङ गरेको जग्गाको भाउ बढाउन र घडेरी बिक्री गरी बस्ती बसाउने योजना अनुसार गिरोहले पाँचकन्या डुम्रे शिखरबास खानेपानी तथा सरसफाई व्यवस्थापन समिति गठन गरी खर्दुको मुहानबाट खानेपानी लैजान लागेका हुन् ।समितिले जोरधारे खानेपानी मुहान भनेर आयोजना स्वीकृत गराएपनि त्यो मुहान धरानबासीले उपभोग गरिरहेको खर्दु मुहानको मुख्य स्रोतको सिर हो । सर्दुमा खर्दु खोलाको पानी नै आउछ । समितिले त्यो क्षेत्रबाट खानेपानी लगेमा भविष्यमा आफुहरुले पानीको संकट व्यहोर्नुपर्ने भन्दै वडा १३ का बासिन्दाहरुले चर्को विरोध गरिरहेका छन् । उनीहरुले जलाधार क्षेत्रको जग्गा कब्जा गरेका भुमाफियाहरुले नै खर्दुको मुहानमा पनि कब्जा गर्न लागेपनि जनप्रतिनिधिहरु मौन बसेको भन्दै असन्तुष्टी जनाइरहेका छन् । वडाबासीले खर्दु जोरधारे मुहान खानेपानी सरोकार समिति गठन गरेर मुहान संरक्षणको अभियान थालेका छन् । ‘जुन समुहले जालाधारको जग्गा कब्जा गर्यो, छोटीमोरङ डाँडा दलका नेताहरुसँग मिलेर बाँडफाट गर्यो, त्यही समुहले अहिले जनता देखाएर आफ्नो प्लटिङमा पानी पुर्याउने खेल हो,’नाम उल्लेख नगर्ने सर्तमा धरान १३ का एक बासिन्दाले भने,‘प्लटिङमा पनि सबै दलका नेताहरुकै मिलेमतो भएकोले भुमाफियाले पेलेर काम गरिरहेको छ । जनता विरोधमा उठ्दा पनि जनप्रतिनिधिले पनि रोक्न सकेको छैन ।’
आफ्नो वडाका बासिन्दाहरुलाई भविष्यमा आइपर्ने संकटप्रति गम्भीर हुन आफुले वडा १३ का अध्यक्षलाई आग्रह गरेपनि जनप्रतिनिधिले चासो नदिएको उनले बताए । भुमाफियाहरुले गुण्डा प्रयोग गरेर विरोधमा उत्रने वडाबासीहरुलाई हातोत्साहित गर्न खोजेको भन्दै आक्रोश पनि पोखे । पुर्ववडाअध्यक्ष हरिहर प्यारा श्रेष्ठले पनि जलाधार घोषणा भइसकेको क्षेत्रबाट जथाभावी संरचना र पाइप विछ्याउदै पानीको मुहान बाड्नु उचित नभएको धारणा राखे । खानेपानी समितिलाई सिफारिश भएको विभिन्न पत्रको ढाचा हेर्दा धेरै ढाटछल गरिएको भन्दै उनले धरानबासीले उपभोग गरिरहेको खर्दु मुहानलाई नै नाम परिवर्तन गरेर जोरधारे बनाइएको पनि श्रेष्ठले बताए । ‘सिफारिशको पत्रहरु हेर्दा पनि धेरै ढाटेर, छलेर काम भएको प्रष्ट छ, यो क्षेत्र जालधार पनि हो । यसरी जथाभावी संरचना बनाउन पानी बाड्न वा लैजान दिन हुदैन,’पुर्वअध्यक्ष श्रेष्ठले भने । पुर्वउपमेयर तथा जनसरोकार मञ्चका संयोजक कृष्णनारायण पलिखेले खर्दु मुहान मात्र नभई भुमाफियाबाट समग्र जलाधार क्षेत्र संरक्षणमा पनि ध्यान दिनुपर्ने बताए ।
वडाअध्यक्ष नेत्र काफ्लेले भने २०७१ सालतिर नै सर्वदलीय संयन्त्रले निर्णय गरेर स्वीकृति दिएको भन्दै विवाद देखिएपछि उपमेयरको नेतृत्वमा स्थलगत निरीक्षण गरेर मेयरलाई जानकारी गराएको बताए । उनले विकासको नाममा विनाश गर्न नदिन र वडाबासीलाई मर्कामा पर्ने गरी कुनैपनि काम नगर्नेतर्फ आफु सचेत रहेको जिकिर गरे ।
खानेपानी अभाव हुन्छः संस्थान
संस्थान कार्यालय प्रमुख रामकुमार श्रेष्ठले उपमहानगरलाई लेखेको पत्रमा भनिएको छ,‘जोरधारे मुहान भन्ने खानेपानीको स्रोत भनेको नै खर्दु मुहानको मुख्य श्रोतको सिर भएको हुदा उक्त खानेपानी लैजान लागेको यस संस्थानको निरिक्षणबाट पनि देखिन आएको हुदा यसरी समुह, समुह मिलि खानेपानीको मुहानबाट पानी लैजाने हो भने भोलीका दिनमा श्रोत घट्दै जाने हुदा उक्त श्रोतबाट धरान १३ र १४ क्षेत्रहरुमा खानेपानी प्रयोग गर्नबाट आवश्यक पनि समस्या हुने देखिन्छ ।’ संस्थानको सतहतग श्रोतको मुख्य मुहान भनेको सर्दु र खर्दु खोला हो । सुख्खा याममा मात्र संस्थानले यी श्रोतको पानी अपुग भएपछि जंगलको भुमिगत पानीको श्रोत प्रयोगमा ल्याउने गर्छ । एडिबिको सहयोगमा जारी खानेपानी आयोजनाले पनि यी वडाहरुमा सर्दु र खर्दु मुहानकै पानी वितरण गर्ने गरी डिजाइन गरेको छ ।
.........................
प्राविधिक अध्ययन समिति गठन
समितिको सदस्यमा नरेन्द्र डागी, अलंकार काफ्ले, निर्मलकृष्ण श्रेष्ठ छन् भने सदस्य सचिवमा वन वातावरण तथा विपद व्यवस्थापन महाशाखा प्रमुख भेषराज घिमिरे छन् । प्लटिङको लागि पानी लैजाने लागेको आरोप छ नि भन्ने प्रश्नमा पुर्वाधार विकास महाशाखा प्रमुख श्रेष्ठले भने,‘मेयर ज्युले समिति गठन गर्नभएको हो । पानी कहाँ लाने, के गर्ने भनेर समितिले नै यथार्थ ल्याउछ ।’
Comments
Post a Comment