इतिहास रच्दै सकियो ‘ईङघङ’(फोटोफिचर)
धरान,माघ १५ । माघ ९ गते नाटक ईङघङ पहिलो पटक मञ्चन भइसकेपछि उपस्थित दर्शकबाट पाएको प्रतिक्रियाले रंगकर्मीहरु निक्कै हौसिए । तर, भोलीपल्ट दर्शकको उपस्थितिले तिनै रंगकर्मीहरु निराश हुन पुगे । एक दिन मात्र भए त केही थिएन, ७ दिन(माघ १५ गते)सम्म नाटक मञ्चन गर्नुपर्ने थियो । दैनिकरुपमा साढे ४ बजे नियमित शो हुने र बिहान ८, मध्याह्न १२ बजे विद्यार्थीहरुको लागि बिशेष बुकिङ शो हुने रंगभुमी एकेडेमीको घोषणा थियो । दोस्रो दिन नियमित शोमा दर्शकको न्युन उपस्थितिले न्यास्रो भएका रंगकर्मीहरु तेस्रो दिनदेखि भने निराश हुन परेन । पुर्वी पहाडको लिम्बूवान गाउँको सँस्कार, सँस्कृतिलाई जीवन्तरुपमा प्रस्तुत गरेको नाटक ईङघङले जातीय छुवाछुत, अन्धविश्वास र रुढीवादी समाजविरुद्ध पनि आवाज उठाएको छ । नाटकले उठान गरेको यिनै बिषय र जीवन्त प्रस्तुतीबाट प्रभावित कलाप्रेमी धरानेहरु तेस्रो दिनदेखि धरान ८ स्थित सभागृहमा नाटक हेर्न पुग्न थाले । दोस्रो दिनमा निराश भएका तिनै कलाकारहरु त्यसपछि भने औधी रमाए । चौथो र पाँचौं दिनसम्म नियमित साढे ४ बजेको शोमा दर्शकको उपस्थिति राम्रो थियो । छैटौं र अन्तिम सातौं दिनमा त दर्शकहरु
