एसएसली लेटरग्रेडिङप्रति निजी विद्यालयको असन्तुष्टी
सरकारले लेटर ग्रेडिङ प्रणाली नबुझीनै लागु गरेर दुरुपयोग गरेको उनको आरोप छ । कर्मचारीतन्त्रले हचुवाको भरमा लागु भएको लेटर ग्रेडिङप्रति विद्यार्थी र शिक्षकहरु नै अनभिज्ञ रहेको उनले सुनाए । शिक्षामन्त्रीलाई संस्थागतरुपमा सुझाव दिइसकेको भन्दै अध्यक्ष शाहीले चाडै लेटर ग्रेडिङको भ्रम चिर्न एन प्याब्सनले अभियान चलाउने पनि उद्घोष गरे । ‘लेटर ग्रेडिङको मिसयुज गर्ने काम भएको छ, यसबारे शिक्षामन्त्रीलाई भनिसकेका छौं । अब भ्रम चिर्न अभियान पनि चलाउदैछौं’–शाहीले भने । सरकारले निःशुल्क शिक्षाको रटान लगाएर मुलुकमा काम नलाग्ने जनशक्ति उत्पादन गर्न प्रोत्साहित गरिरहेको उनको भनाई थियो । ‘सरकारले निःशुल्क शिक्षा भनिरहेको छ । निःशुल्क भनेपछि जिम्मेवारी, जवाफदेहीता केही पनि हुदैन । त्यसले काम नलाग्ने जनशक्ति उत्पादन हुन्छ अनि युवा शक्ति र देशको भविष्य कता जान्छ ?’–शाहीले प्रश्न गरे–‘सरकारले सबै आफै गर्छु भनेर हुदैन, सहजीकरण गरिदिनुपर्छ । यो संसारकै ट्रेण्ड हो । निजीमा केयरिङ हुन्छ, टिचर र विद्यार्थीको हार्डवर्क हुन्छ र रिजल्ट राम्रो हुन्छ । त्यसवापत अभिभावकहरुले सेवा शुल्क बुझाउछन् । अबको लगानी, लेटर ग्रेडिङ र शिक्षाको गुणस्तरबारे गम्भीर भएर बहस गर्नुजरुरी छ ।’
...
एन प्याब्सनको नयाँ कार्यसमिति
एन प्याब्सन सुनसरीको आठौं जिल्ला सम्मेलनले गणेश राईको अध्यक्षतामा २३ सदस्यीय कार्यसमिति चयन गरेको छ ।धरान ८ स्थित लांघाली वन समुहको हलमा सम्पन्न सम्मेलनले अध्यक्षमा राईलाई पुनः निरन्तरता दिदा उपाध्यक्षमा नारायण सञ्जेल, बलराम बिक्रम शाह र रमेशबहादुर कार्कीलाई चयन गरेको छ । यस्तै, सचिवमा गणेश कोइराला, सहसचिवमा सागर खड्का र गुणराज सुवेदी, कोषाध्यक्षमा प्रभाष राजवंशी, सह कोषाध्यक्षमा विष्णु प्रधान र दुर्गा पौडेल छन् । सदस्यहरुमा वसन्त राई, दिप राना, पेम्बा शेर्पा, सुमन जवेगु, आलोक श्रेष्ठ, चुडामणि घिमिरे, संजय कुमार मेहता, मुकेशकुमार राय, सन्दिप क्षेत्री पृथ्वी राईका मगर, श्यामकुमार यादव, सन्तोष शाह र थरेन्द्रप्रसाद अधिकारी छन् ।
Comments
Post a Comment