धरानमा अत्याधुनिक जिम हल खुल्यो
धरान । पूर्वाञ्चलकै पहिलो अत्याधुनिक एवं सुविधायुक्त जिम हल आइतबारदेखि धरानमा सञ्चालनमा आएको छ । विगत चार बर्षदेखि फिटनेश फ्याक्ट्री चलाएका धरानका युवा चन्दन श्रेष्ठले धरान १०, पुतली लाइनमा अत्याधुनिक जिम हल सञ्चालनमा ल्याएका हुन् । धरानमा शारीरिक सुगठनको बढी प्रतियोगिता हुने र युवाहरुमा पनि आर्कषण भएकोले थप लगानी गरेको सञ्चालक श्रेष्ठको भनाई छ । हलमा वेट टे्रनिङ, कार्डियो, फ्याटलेस, फिटनेश काउन्सिल, न्युट्रिसन काउन्सिलको सुविधा रहने उनले बताए ।यसअघि, श्रेष्ठले ०६६ सालदेखि छाताचोकमा फिटनेश फ्याक्टी सञ्चालनमा ल्याएका थिए । त्यसैको शाखाकोरुपमा हाल लगानी गरेर सुविधा सम्पन्न जिम हल सञ्चालन गरेको उनले बताए । ‘पूर्वमा धेरै जिम गर्ने युवाहरु छन्, विभिन्न पेशाका मानिस पनि व्यायाम गर्छन् तर सुविधा युक्र र अत्याधिुनक हल थिएन’–श्रेष्ठले भने–‘त्यसैलाई ध्यान दिएर नयाँ जिम हल खोलेको हुँ ।’ एक दशकभित्र पूर्वका ५ स्थानमा यस्तै सुविधायुक्त जिम हल खोल्ने योजना रहेको पनि उनले बताए ।
सञ्चालक श्रेष्ठका अनुसार नयाँ जिम हलमा ४५ लाख लगानी भएको छ । जिम हलका सबै सामान एवं उपकरणहरु उनले भारतबाट ल्याएका हुन् । उनका अनुसार नयाँ जिम हलमा खुला ठाउँ रहन्छ, जहाँ एकै पटक २५ देखि ३० जनाले व्यायाम गर्नसक्छन् । यस्तै, ४ वटा ट्रेड मिल, ३ वटा क्रस टेनर, ४ वटा साइकल रहेको छ भने पावरकेज एक हजार सम्मको रहेको सञ्चालक श्रेष्ठले बताए । ‘डम बेल अढाई केजीदेखि ४० केजीसम्मको छ, पावर केज पनि छ’–उनले भने–‘यी सबै सामानहरु वैज्ञानिक आधारमा बनाइएको छ ।’ दशैसम्म शुल्कमा एक हजार छुट दिने र तीन जनाको समुहभन्दा बढी मिलेर आउदा १५ प्रतिशत छुट दिइने पनि उनले खुलाए ।
जिम हलमा २० देखि ३० बर्षसम्मका युवाहरु बढी धाउने गर्छन् । त्यसबाहेक डाक्टर, व्यापारी, विद्यार्थीलगायत विभिन्न पेशाका मानिसहरु पनि स्वास्थ्य रहन एवं फिट देखिन धाउने गर्छन् । धरानका युवाहरुमा शारीरिक सुगठनको क्रेज भएपनि राम्रो खेलाडी उत्पादन हुन नसक्नुमा सुविधायुक्त जिम हलको अभाव पनि भएको श्रेष्ठको भनाई छ । ‘जिम हल धेरै छ, तर सबै सुविधा छैन, यहाँबाट धेरै राम्रो खेलाडी उत्पादन गर्ने पनि लक्ष्य छ’–उनले भने–‘प्रतियोगिता पनि गराउनेछौं ।’
सर मलाई पनि जिम गर्नु मन छ मेरो घर खोटाङ हो जिम गर्दा कति पैसा दिनुपर्छ होला ? सर
ReplyDelete