अघिल्लो साँझमा नै पेट्रोल लिन लाम

-

धरान । साँझ परेपछि मानिसहरु कार्यालय वा आफ्नो काम सकेर घर फर्कन्छन्, अनि आफ्नो सवारीसाधान थन्काउछन् । तर, सोमबार साँझ भने धरानको दृष्य भने विल्कुल फरक थियो । साँझ ६ बजे अघि नै मानिसहरु घर जानुको साटो आप्mनो मोटरसाइकल, स्कुटी, टेम्पो र भेन लिएर पेट्रोल पम्पमा लाइन लाग्न थालिसकेका थिए ।
झण्डै दुई सातादेखि भारतले गरेको अघोषित नाकाबन्दीले पेट्रोलियम पदार्थको आयात असहज बनेपछि सरकारले माग वमोजिम उपलब्ध गराउन सकेको छैन । जसको मारमा सर्वसाधारणहरु छन् । चाहेको बेला सर्वसाधारणहरुले पेट्रोल पाएका छैनन् । पम्पबाट कुन बेला पेट्रोल बाड्छ भनेर सर्वसाधारणहरु हरसमय चनाखो भइबसेका हुन्छन् । मंगलबार बिहान ६ बजेदेखि पेट्रोल बाड्ने भएपछि सर्वसाधारणहरु सोमबार साँझदेखि नै पम्पमा लाइन लाग्न गइसकेका थिए । बाह्र घण्टा रातभर लाइन लागेर पनि आवश्यकता वमोजिम पेट्रोल भने कसैले पाएनन । स्कुटीलाई ४ सय, मोटरसाइकललाई ५ सय, टेम्पोलाई ७ सय र ठुला गाडीलाई एक हजार रुपैयाको मात्रै पेट्रोल दिइएको थियो । मंगलबारदेखि दशैं शुरु भएकोले पनि चाडपर्वको बेला इन्धन अभावले प्रभावित हुने भन्दै सर्वसाधारणहरु चिन्तित छन् ।


व्यावसायीहरुका अनुसार मंगलबार बिहान धरानको अरुण, जयश्री अटल, राजेश र श्याभक्त पेट्रोल पम्पबाट ६ हजार लिटरको दरले पेट्रोल वितरण गरिएको थियो भने हिमालयबाट ३ हजार लिटर वितरण गरिएको थियो । व्यावसायीहरुका अनुसार लाइनमा बसेकाहरु मध्ये ५० प्रतिशतले मात्रै पेट्रोल पाएका छन् । करिब ११ हजारको संख्यामा लाइनमा उभिएका भएपनि सरदर ४ हजारको संख्यामा मात्रै सर्वसाधारणले पेट्रोल पाएको अरुण पम्पका सञ्चालक गोपाल श्रेष्ठले जानकारी दिए ।





Comments

Post a Comment

धेरै पढिएको

लाहुरे बन्ने धुनमा पढाई र भविष्य डामाडोल

-
Image
धरान । ताप्लेजुङ जिल्लाको सोबुवा हाम्पाङमा जन्मिएका राजिव सुब्बा एक दशकअघि धरानमा स्नातक पढ्दै थिए । उनको पढाई अब्बल थियो । आफुसँगैका केही साथीभाई भने ब्रिटिश आर्मीमा भर्ती लागेर जादै थिए । उनलाई पनि ‘ट्राइ’ गर्न मन लाग्यो । त्यसपछि बिहान बेलुकी दौडने, ह्याविङ, सेटअपलगायत कसरत गर्नु उनको दिनचर्या बन्यो । पूर्वी क्षेत्रको गल्ला, इ–यारो छनौट पार गर्दै उनी पहिलो प्रयासमा नै सेन्ट्रल सेलेक्सनको लागि पोखरा पुगे । यो सन् २००३ को कुरा हो । पोखरा पुगेपछि ब्रिटिश आर्मीमा भर्ती भएर जाने उनको आशा थप बलियो बन्यो । तर, पच्चिस किलोको भारी डोको बोकेर उकालो दौडनुपर्ने छनौटमा उनी असफल भए । ‘डोको क्यारिङ’को असफलताले उनी ब्रिटिश आर्मीको छनौट प्रक्रियाबाट बञ्चित भए । घरबाट विदा भएर पोखरा पुग्दा उनको मनभरी आशा र उत्साह थियो । फर्कदा असफलता र निराशा मात्रै, दिमाग पनि शुन्य । गल्ला छनौटको तयारी, इ यारो छनौट हुदै सेन्ट्रल सेलेक्सनको लागि पोखरा पुग्दासम्म ५ महिना उनले पढाइमा ध्यान दिएका थिएनन् । पढ्न मनै लागेन, त्यस साल उनले परीक्षा पनि दिएनन् । ‘उमेर छदै थियो, पोखरा पुगेको अनुभव पनि भयो । अर्को बर्ष त जसरी
Read more

अनुषा मृत्यु प्रकरण, वलिमान र पदमकुमारी कारागार चलान

-
Image
धरान । धर्मपुत्रीकोरुपमा राखेपनि १३ बर्षीय अनुषा राईको यातना र शोषण गरेर हत्या गरेको आरोप खेपिरहेका धरान १६ का वलिमान राई र उनकी पत्नी पदमकुमारी राई पुपुक्र्षको लागि कारागार चलान भएका छन् । जिल्ला अदालत सुनसरीले सोमबार थुनछेक बहस पछि पैmसला नभएसम्मलाई राई दम्पत्तिलाई पुर्पुक्षको लागि थुनामा राख्न आदेश दिएको हो । आदेश पछि सोमबार नै प्रहरीले राई दम्पत्तिलाई कारागार चलान गरिसकेको जनाएको छ । प्रहरीका अनुसार पति वलिमानलाई झुक्कास्थित क्षेत्रीय कारागार चलान गरिएको छ भने पत्नी पदमकुमारीलाई विराटनगरस्थित कारागार चलान गरिएको छ । थुनछेक बहसपछि आइतबार न्यायधिश युवराज गौतमले पुपुक्र्षमा कारागार चलान गर्ने आदेश दिएका हुन् । ‘मुद्दाको फैसला नभएसम्मलाई दुवै जनालाई पुपुक्र्षको लागि कारागार चलान गर्ने आदेश भएपछि हामीले कारागार चलान गरिसकेका छौं’–इलाका प्रहरी कार्यालय धरानका प्रहरी निरीक्षक यामबहादुर पौडेलले जानकारी दिदै भने । धरान १६ स्थित पुष्यमार्गका राई दम्पत्तिले सानैमा अनुषालाई धर्मपुत्रीकोरुपमा घरमा राखेका थए । गत फागुन १६ गते अनुषाको रहस्यमय मृत्यु भएपछि छरछिमेकीलाई समेत खबरै नगरी दाहसँस्
Read more

मनकारी धराने महिलाहरु, जसले अपरिचितलाई उपचार खर्च जुटाए

-
Image
धरान,साउन १४ । न आफन्त, न चिनजानको व्यक्ति । बीपी कोइराला स्वास्थ्य विज्ञान प्रतिष्ठानमा उपचाररत धनकुटा आहालेका २० बर्षीय जैसन राईको उपचारमा खर्च अभाव भएको थाह पाएपछि सहयोग जुटाउन धरानका ८ महिलाहरु ब्यानरसहित सडकमै आए । करिब तीन सातादेखि बीपी कोइराला स्वास्थ्य विज्ञान प्रतिष्ठान धरानमा उपचाररत धनुकटा आहालेका १८ बर्षीय जैसन राईको उपचार खर्च थिएन । खर्च अभावले उपचारबाट बञ्चित हुनपर्ने अवस्था आएपछि धरानका महिलाहरुले सामाजिक सञ्जालमार्फत सहयोग जुटाउदै आएका थिए । त्यतिले पनि नपुगेपछि उनीहरु साउन १० गते ब्यानर लिएर सडकमा आउनु पर्यो । यसको नेतृत्व लिइन्, धरान १७ की चन्द्रकला राईले । उनको अभियानलाई धरान १८ की रिता राई, धरान १७ की रिमला राई, जीवनकला राई, अनु राई, धरान ८ की बिनिता बेघा, धरान १६ की मनिषा राई र १५ की सरस्वती साह आचार्यले साथ दिए । ‘मेरो भदैनीको मःम पसलमा काम गर्न आएको रहेछ । भदैनीले अस्पतालमा ब्लड चाहियो भनेर फोन गरेपछि पुगे, उसको हालत देखेपछि चुपलागेर बस्नै सकिन,’ चन्द्रकलाले भनिन्,‘मानवताको नाताले पनि फेसबुकमा पोष्ट गर्दै सहयोग जुटाउन थाले । औषधीमा खर्च ज्यादै हुने । पुग्दै
Read more

बजार जोगाउन धरानमा बाइपास सडक, सेउती करिडोरको डिपिआर तयार हुदै

-
Image
धरान, भदौ २२ । जोगवनी–किमाथांका जोड्ने कोशी राजमार्ग सडक मापदण्डअनुसार धरानको बीच बजारमा विस्तार गर्न सम्भव नभएपछि वाइपास सडककोरुपमा चर्चामा आएको सेउती करिडोर बन्ने लगभग निश्चित भएको छ । राजमार्ग आसपासका घरजग्गाधनी र धरान उपमहानगरपालिकाको मागवमोजिम राष्ट्रिय योजना आयोगले सेउती करिडोरको ‘धरान वाइपास सडक’को विस्तृत अध्ययन प्रतिवेदन(डिपिआर) तयार गर्न कन्सल्टेन्सी छनौट गरेर पठाइसकेको छ । डिपिआरको लागि सर्वे गर्न रिमोट एरिया इञ्जिनियरीङ कन्सल्टेण्टका इञ्जिनियर रामकैलाश यादव भदौ ११ गते धरान आएका थिए । उनी तीन दिन बसेर धरान बाइपास सडकको लागि तोकिएका पोइन्टको स्थलगत अवलोकन गरेर विराटनगर फर्किएका छन् । कुनै विवाद नभएमा एक महिनाभित्र सर्वेको काम सरेर रिपोर्ट आयोगलाई बुझाउने उनको भनाई छ । अब तीन दिनभित्र सर्वेको काम पुनः शुरु गरिने यादवले जानकारी दिए । ‘आयोगले भनेअनुसार धरान बाइपास सडकको लागि डिपिआरको लागि म आएको हो, वाइपासको पोइन्ट सेउती र जिरोपोइन्ट गएर हेरे । सेउती वारी कि पारीबाट वाइपास लैजाने भन्ने द्धिविधा छ,’यादवले भने,‘धरानका जनप्रतिनिधिसँग समन्वय गरेर विवाद नहुने गरी सर्वेको काम शुरु
Read more

ड्रोनबाट धरानमा एयरपोर्टको सर्वे

-
Image
धरान । धेरै यात्रुको सिट क्षमता भएको विमान एटिआर ४२ उडान र अवतरण गराउने गरी एयरपोर्ट बनाउन सम्भाव्यता अध्ययनको काम शुरु भएको छ । नागरिक उड्यान प्राधिकरणले सर्वेको लागि नियुक्ती गरेको रियलपाथ इञ्जिनियरीङ कन्सल्टेण्टले शुक्रबारदेखि धरान १७, डाँडाघोपास्थित प्रस्तावित जग्गामा सम्भाव्यताको लागि सर्वेको काम थालेको हो । कन्सल्टेण्टले खटाएको प्राविधिक टोलीले ड्रोनको प्रयोग गरेर धरान एयरपोर्टको सर्वे गरिरहेको छ । एयरपोर्टको सम्भाव्यता अध्ययनको लागि ५ जना प्राविधिक टोली धरान आएका छन् । जसमा सिभिल इञ्जिनियर उत्सव गौतम, इलेक्ट्रीकल इञ्जिनियर आशिष बोहोरा छन् भने अच्युतकुष्ण पाण्डे, प्रकाश सुवेदी र निरज पन्त जियोमेट्रिक इञ्जिनियर हुन् । कन्सल्टेण्ट कम्पनीले उनीहरुलाई सर्वेको प्रतिवेदन बुझाउन एक महिनाको समय दिएको छ । सिभिल इञ्जिनियर गौतमका अनुसार धरान उपमहानगरपालिकाले भनेवमोजिमको क्षेत्रमा ड्रोनबाट फोटो खिचिन्छ । त्यसबाट टोपोग्राफिक सर्वे बन्ने र म्यापिङ हुुने उनले बताए । ‘कस्तो भु वनौट छ, सम्भाव्यता छ छैन भन्ने थाह हुन्छ’–गौतमले भने–‘हाम्रो प्राविधिक टोलीले सर्वेको रिपोर्ट बुझाउछौं, त्यसको आध
Read more