धरानका शैवलाई भारतमा सफलता
हाल कक्षा ७ मा अध्ययनरत उनले स्कुल पढ्दै गर्दा नै राष्ट्रिय मात्र होइन, अन्र्तराष्ट्रिय प्रतियोगितामा पनि सफलता हासिल गरिसकेका छन् । छोराको सफलताले धरानमा रहेका उनका अभिभावकहरु पनि निक्कै उत्साही र खुशी छन् । शैवले हालै भारतको स्वतन्त्रता दिवसको अवसरमा दिल्लीमा आयोजित अन्र्तराष्ट्रिय कराते च्याम्पियनसिपमा उमेर समुहमा प्रथम हुदै स्वर्ण पदक जिते । यो सफलता उनका अभिभावकले पनि अपेक्षा गरेका थिएनन् । ‘अल इण्डिया वडोकाई कराते च्याम्पियनसिपमा उमेर समुहमा द्धितिय हुदा अन्र्तराष्ट्रिय च्याम्पियनसिपमा खेल्ने मौका पाएको थियो । छोराको व्यक्तित्व र आत्मविश्वास बढ्छ भनेर भाग लिओस् भन्ने थियो’–शैवका पिता विशाल श्रेष्ठले खुशी हुदै भने–‘तर, गोल्ड मेडल नै पो जितेछ, हामी सबै जना खुशी छौं ।’ प्राध्यापन पेशामा रहेका शैवका पिता स्वयम पनि एक समयका ब्ल्याक बेल्ट हुन् । उनकी आमा शर्मिला श्रेष्ठ भने बीपी कोइराला स्वास्थ्य विज्ञान प्रतिष्ठानस्थित नर्सिङ कलेजकी एसिस्टेण्ट प्रोफेसर हुन् ।
शैवका पिता आफै पनि पुर्व खेलाडी भएकोले पढाईसँगै खेलकुद गतिविधिले उनीहरुको व्यक्तित्व विकासमा मद्दत पुग्छ भन्ने मान्यता छ । उनको यो मान्यताले पनि शैवलाई अतिरिक्त क्रियाकलापमा अघि बढ्न सहजता भएको हो । ‘सानैमा धरानमा कराते सिकेकोले उसलाई सहज भयो, पढाईसँगै अतिरिक्त गतिविधिहरुले व्यक्तित्व विकासमा सघाउछ, आत्मविश्वास बढाउछ’–शैवका पिता श्रेष्ठले भने ।
Comments
Post a Comment