नारायणगढमा पनि नारायणी बराह ज्वेलरी

धरान । सुनचादीको व्यापारबाट ख्याति कमाएको धरानस्थित बराह ज्वेलरी इण्ड्रष्ट्रिज प्रालिले चितवन जिल्लामा पनि नयाँ कम्पनी सञ्चालनमा ल्याएको छ । व्यापार व्यावसाय विस्तार गर्ने क्रममा बराहले शनिबार चितवनको नारायणगढस्थित हङकङ बजारमा आप्m्नै भवनबाट व्यापार थालेको हो ।
नारायणी बराह ज्वेलरी प्रालि नाम दिएको यो कम्पनीले शनिबारदेखि सुनचादी व्यापार शुरुवात गरेको छ । पछि अन्य व्यापार क्रमशः थप्दै जाने प्रालिले जनाएको छ । प्रालिको एक समारोहबीच वाणिज्य तथा आपुर्ति विभागका महानिर्देशक शम्भुप्रसाद कोइरालाले गरेका थिए । विभिन्न जातीय सँस्कृतिअनुसारको सुनचादीका गरगहनाका साथै आधुनिक शैलीका पनि गहनाहरु उपभोक्ताहरुलाई उपलब्ध हुने प्रालिले जनाएको छ ।
करिब ६ करोड लगानीमा नयाँ कम्पनी शुरु गरेको प्रालिका अध्यक्ष शिवकुमार लामिछानेले जानकारी दिए । रोजगारीको अवसर सृर्जना गर्दै मुलुकलाई समृद्ध पार्ने उद्देश्यले चितवनमा पनि नयाँ कम्पनी सञ्चालनमा ल्याएको उनको भनाई छ । ‘मौलिक एवं परम्परागत गरगहना संरक्षण गर्ने र रोजगारी अवसर सृर्जना गरेर समृद्ध मुलुक बनाउने उद्देश्य हो’–अध्यक्ष लामिछानेले भने–‘मौलिक गरगहनालाई अन्र्तराष्ट्रिय बजारसम्म पु¥याउने हाम्रो अभियान हो ।’ भवनको भुईतल्लामा सुनचाँदीको गरगहना शोरुम हुनेछ भने पहिलो तलामा कार्यालयसहित आर्थिक कारोबारको शाखा रहनेछ । यस्तै, तेस्रो तलामा सहकारी र चौथो तलामा सुनचाँदीका गरगहना बनाउने कारखाना रहने अध्यक्ष लामिछानेले जानकारी दिए ।
२०५२ साल भदौ ५ गते धरानमा सामान्य सुनपसलबाट शुरुवात भएको बराहले दुई दशकमा फड्को मार्दै मुलुक भित्र मात्र होइन, विदेशमा पनि आफ्नो व्यापार विस्तार गरिसकेको छ । बराहले यसअघि काठमाण्डौ, पोखरा, बेलायत, चीन र हङकङमा पनि व्यापार विस्तार गरेको थियो । बराहले सुनचादी व्यावसायसँगै यातायात, सहकारी, डिपार्टमेन्ट स्टोरसँगै ट्राभल एण्ड टुर्स व्यावसाय पनि सञ्चालन गरेको छ । प्रालिका सञ्चालक समिति सदस्य एवं धरान शाखा प्रमुख मानबहादुर दियालीका अनुसार प्रालिले हालसम्म ५ सय बढीलाई प्रत्यक्ष रोजगारी दिएको छ । ‘हामी देशभित्रै केही गरौं भनेर आफ्नो व्यापार विस्तार गर्ने क्रममा छौं, यसले रोजगारी सृर्जना गरेको छ’–उनले भने–‘हामी नाफा कमाउने मात्र गर्दैनौं, सामाजिक उत्तरदायित्व वहन गर्न पनि सचेत छौं ।’