दिलेनबाबु भए सिंगिङ स्टार
धरान । पुर्वाञ्चल सिंगिङ स्टार सिजन ४ को उपाधि तेह्रथुमका दिलेनबाबु लिम्बुले जितेका छन् । शनिबार साँझ धरान ८ स्थित सभागृहमा सम्पन्न गायन प्रतियोगिताको ग्राण्ड फेनालीमा अन्य ९ प्रतिस्पर्धीलाई पछि पार्दै दिलेनले उपाधि जितेका हुन् । फाइनल स्पर्धामा उनले तिम्रो त्यो हँसिलो मुहारको बोलको गीत गाएका थिए ।एसएमएस भोटिङ र निर्णायकहरुको अंकको आधारमा उनी विजेता घोषित भएका थिए । दिलेनले उपाधि ट्रफीसँगै नगद ५० हजार पनि हात पारे । साथै, उनले दुई वटा गीत रेकर्ड र एउटा गीतको म्युजिक भिडियो तयार गर्ने अवसर पनि पाएका छन् । यसबाहेक एक बर्षसम्म निःशुल्क संगीत प्रशिक्षण पनि उनले पाउनेछन् । पुर्वाञ्चल बगिना कला केन्द्र धरानद्धारा आयोजित सिंगिङ स्टारमा धरानकी आश्मा अधिकारी दोस्रो भइन् । फाइनल स्पर्धामा चौबन्दीमा पटुकी बाध्या छैन भन्दैमा बोलको गीत गाएकी थिइन् । उनले नगद २५ हजारसहित ट्रफी हात पारिन् । साथै, एउटा गीत रेकर्ड र ६ महिनासम्म निःशुल्क संगीत प्रशिक्षण गर्ने अवसर पनि पाइन् । फाइनलमा तिमी मन माग मन दिन्छु बोलको गीत गाएका झापाका ब्रायन लिम्बु तेस्रो भए । उनले नगद १५ हजारसहित ट्रफी, एउटा गीत रेकर्ड र ३ महिना निःशुल्क संगीत प्रशिक्षण गर्ने अवसर पाएका छन् ।
कार्यक्रममा प्रतिस्पर्धीहरुको मात्र प्रस्तुती भएन, अहिलेकी चर्चित गायिका मेलिना राईले पनि दर्शकहरुलाई भरपुर मनोरञ्जन दिलाइन् । पलभरमै खुशी बोलको गीतबाट आफ्नो प्रस्तुती शुरु गरेकी उनले चर्चित गीतहरु तिम्ले बाटो फे¥यौ अरे, कम्मरमाथि पटुकी, शिरैमा शिरबन्दी, छपक्कै फुल फुल्योलगायत ७ वटा गीतहरु गाइन् । साथै, सिजन २ की विजेता प्रकृति थलङ र सिजन ३ की विजेता सृर्जना तामाङले पनि गाएकी थिइन् । सोही कार्यक्रममा पुर्वाञ्चल सिंगिङ स्टार ४ को आयोजकले दुई नागरिककर्मीसहित तीन जना पत्रकारलाई सम्मान गरेको छ । नागरिकका धरान संवादाता रोहित राई, तेह्रथुम संवाददाता भगीश्वर लिम्बु र ब्लाष्ट टाइम्सका शेखरनाथ जोगीलाई सम्मान गरेको हो । आयोजकले जनही नगद ५ हजार ५१ रुपैयासहित सम्मान पत्र प्रदान गरेको थियो ।
Comments
Post a Comment