पुतलीलाइनमा न्यु बुढासुब्बा डेन्टल केयरको शुभारम्भ

धरान । सोमबारदेखि धरान ९, पुतलीलाइनमा न्यु बुढासुब्बा डेन्टल केयरको सेवा शुरुवात भएको छ । दन्त चिकित्सक डाक्टर सरस्वती सुवालले युवाद्धय बन्दन राई र प्रदिप राईसँग मिलेर डेन्टल केयर सञ्चालनमा ल्याएकी हुन् ।

केयरले सोमबारदेखि नै सेवा प्रारम्भ गरिसकेको छ । केयरले पत्रकार महासंघका पूर्वकेन्द्रीय उपाध्यक्ष किसोर कुमार कार्कीले एक समारोहबीच रिबन काटेर उद्घाटन गरेका थिए । सोही क्रममा डाक्टर सोहिल श्रेष्ठले प्रमुख अतिथि कार्कीको दाँत जाँच गरेर सेवा प्रारम्भ पनि गरेका थिए । केयरमा डाक्टर सुवाल, श्रेष्ठसँगै डाक्टर नतसा श्रेष्ठले सेवा दिनेछन् ।
दाँतको इनप्लान्टबाहेक अन्य सम्पुर्ण सेवाहरु उपलब्ध भएको सञ्चालिका सुवालले बताइन् । अत्याधुनिक मेशिन एवं प्रविधि र दक्ष चिकित्सकबाट सेवा दिइने उनको दाबी छ । ‘अहिले ४ वटा डेन्टल चेयरबाट सेवा दिन्छौं, र भविष्यमा अन्य सेवाहरु थप्दै, विस्तार गर्दै जानेछौं’–सुवालले भनिन् । उनका अनुसार सर्वसाधारणलाई सकेसम्म सर्वसुलभ सेवा दिने योजना छ । उद्घाटन अवसरमा १० दिनसम्म दर्ता र चेकअपको शुल्क नलिइने र थप उपचारमा पनि २० प्रतिशत छुट दिइने उनले बताइन् । डाक्टर सोहिलका अनुसार त्यहाँबाट दाँत सफा गर्ने, भर्ने, उखाल्ने, मिलाउने, नक्कली दाँत लगाउनेलगायतका सम्पुर्ण सेवाहरु दिइनेछ । ’

डेन्टल केयरको उद्घाटन गर्दै प्रमुख अतिथि कार्कीले धरानलाई स्वास्थ्य केन्द्रकोरुपमा विकास गर्न थप योगदान पुग्ने बताए । महिला चिकित्सकले उद्यमीकोरुपमा चालेको पाइलामा सबैको साथ हुने धारणा राख्दै उनले अझै पनि दन्त स्वास्थ्यबारे ज्ञान र चेतनाको अभाव भएकोले चेतना जगाउने गतिविधि गर्न सुझाए । बिशेष अतिथि एवं महिला सञ्जाल धरानकी अध्यक्ष मिना पुलामीले महिलाहरुको लागि डाक्टर सुवाल प्रेरणा हुने बताइन् ।