एमालेको प्रतिद्धवता पत्र:पर्यटन, उद्योग व्यावसाय र कृर्षि प्राथमिकतामा
धरान । दोस्रो चरणमा हुन लागेको स्थानीय तहको निर्वाचनलाई लक्षित गर्दै नेकपा एमाले धरान उपमहानगर कमिटिले ‘धरानको विकास र समृद्धिको आधार, स्थानीय तहमा एमालेको सरकार’ भन्ने नारासहितको प्रतिवद्धता पत्र सार्वजनिक गरेको छ । एमाले निर्वाचन परिचालन समितिले शनिबार पार्टी कार्यालयमा पत्रकार सम्मेलन गर्दै सुरक्षित व्यवस्थित, व्यावसायिक, आवासिय तथा पर्यटकीय सुन्दर शहर बनाउने लक्ष्यसहितको प्रतिवद्धता सार्वजनिक गरेको हो ।एमालेको स्थानीय सरकार गठन गरेपछि धरानको समृद्धि र विकास गर्नको लागि विभिन्न २७ वटा बिषय क्षेत्रहरु प्रतिवद्धता पत्रमा समेटिएको छ । एमालेले बिषयगत प्रतिवद्धतामा पर्यटन प्रर्वद्धन, उद्योग व्यावसाय प्रर्वद्धन र कृर्षि विकासलाई प्राथमिकतामा राखेको छ । धरानलाई स्वच्छ, सफा, नमुना नगर निर्माण गरी आन्तरिक र बाह्य पर्यटनको उत्कृष्ट गन्तव्य बनाउने लक्ष्य राखिएको प्रतिवद्धता तयारी उपसमितिका संयोजक एवं एमाले जिल्ला नेता मुरारी सुवेदीले जानकारी दिए । प्रतिवद्धता पत्र प्रस्तुत गर्दै उनले आर्थिक सामाजिक विकासको लागि धरानलाई व्यावपारिक तथा व्यावसायिक गतिविधिको केन्द्र बनाउने, शिक्षा, स्वास्थ्य र सबै प्रकारको खेलकुदको केन्द्र बनाउने, धरानलाई बहुसँस्कृतिक अध्ययन अवलोकन केन्द्र बनाउने एवं खाद्य, कृर्षि, स्वास्थ्य र सुचनाको हब बनाउने लक्ष्य राखिएको पनि खुलाए ।
पर्यटन प्रर्वद्धनलाई बिषेश जोडदिएको प्रतिवद्धता पत्रमा पुर्व प्रधानमन्त्री मनमोहन अधिकारी भुमिगत बसेको हर्दियामा बाम अग्रज तथा शहीद पार्क निर्माण गर्ने साथै श्रीगाउँ, दानाबारी, हर्दियामा हरित परिक्रमा मार्ग निर्माण गरी हर्दियालाई ग्रामिण पर्यटन केन्द्र बनाउने घोषणा गरिएको छ । धरान र आसपासको बराहक्षेत्र, कोशी वन्यजन्तु आरक्ष, रामधुनी, ध्वजे डाँडालगायत स्थानमा पुग्न सहज यातायात व्यवस्थापन गर्ने, पर्यटन सुचना केन्द्र स्थापना गरी पर्यटक गाइड तालिम दिने पनि प्रतिवद्धता पत्रमा समेटिएको छ ।
उद्योग व्यावसाय प्रर्वद्धन गर्ने
धरानको चिनारी बनेको ढाका उद्योग तथा खुकुरी एवं धातु उद्योगलाई प्रर्वद्धन गरी निकासीजन्य उद्योगकारुपमा प्रर्वद्धन गर्ने एमालेको घोषणा छ । होटल व्यावसायलाई पर्यटनमैत्री, आधुनिक व्यवस्थापन गर्दै तारे होटल, रिसोर्ट निर्माणको लागि निजी क्षेत्रलााई प्रोत्साहन गर्ने, प्रत्येक वडाको केन्द्र भागमा सुलभ तरकारी तथा फलफुल बजार सञ्चालनको व्यवस्था मिलाउने, मुख्य बजारको केन्द्र भागमा सुरक्षित र मर्यादित रात्री बजार सञ्चालनको व्यवस्था गर्ने, उपमहानगरले प्रत्येक बर्ष एउटा औद्योगिक मेला आयोजना गर्ने, उपयुक्त स्थानमा औद्योगिक तथा व्यावसायिक प्रर्दशनीस्थल निर्माण गर्ने र नयाँ औद्योगिक क्षेत्र स्थापना गर्ने पनि जनाएको छ । साथै, सुठो तथा अदुवा प्रशोधन उद्योगलाई प्रर्वद्धन गर्ने, यातायात र बाटो विस्तारसँगै वडाका विभिन्न क्षेत्रमा व्यावसाय विस्तार प्रर्वद्धनमा जोडदिने प्रतिवद्धा पत्रमा उल्लेख छ ।कृर्षिको विकास
एमालेको प्रतिवद्धता पत्रले उपमहानगरमा कृर्षि विकास एकाई स्थापना गरेर कृर्षि क्षेत्रको विकास गर्ने नीति रहेको स्पष्ट पारेको छ । धरानको जैविक मह, अदुवा, बेसार र च्याउ स्वास्थ्य जीवनको लागि निर्धक्क खाउँ भन्ने अभियान सञ्चालन गर्ने जनाएको छ । धरानको कृर्षि बजारलाई शीतभण्डारसहितको सुविधा सम्पन्न नमुना बजारकोरुपमा विकास गर्ने, वसन्तटारलाई जैविक कृर्षि अध्ययन क्षेत्रको रुपमा विकास गर्ने, वडा नं ४, ५, ६ तथा २० मा सिँचाई प्रणाली व्यवस्थित र दीगो बनाउने, पुष्प व्यावसायलाई प्रोत्साहन गर्ने नीति लिने एमालेको भनाई छ । यी वडाहरुमा कृर्षि उपज संकलन तथा व्यवासायिक केन्द्र निर्माण र सञ्चालन गर्ने, उत्पादन प्रशोधन र व्यवस्थित भण्डारणको लागि कृषकहरुको क्षमता विकास गर्ने एमालेको घोषणा छ । यस्तै, कृर्षि ऋण, वाली विमा, पशु विमा, कृर्षि उपज ढुवानी विमाको लागि प्रोत्साहन गर्ने, युवाहरुलाई कृर्षि क्षेत्रमा लाग्न प्रोत्साहित गर्न कृर्षि बिषयको अध्ययनको लागि छात्रवृत्ति प्रदान गर्ने, जलाधार क्षेत्र तथा अन्य खाली जमिनमा वृक्षारोपण गर्नेलगायत पनि एमालेको प्रतिवद्धता पत्रमा समेटिएको छ ।
Comments
Post a Comment