निर्वाचन अधिकृतको कार्यालय स्थापना
सुनसरीमा २ उपमहानगरपालिका, ४ नगररपालिका र ६ गाउँ पालिका रहेको छ । ती मध्ये यसअघि इनरुवामा मुख्य निर्वाचन अधिकृतको कार्यालय स्थापना भइसकेको थियो । इनरुवा नगरपालिकाको निर्वाचनको सम्पुर्ण कार्य त्यहीबाट गरिने भएकोले बाँकी तहमा सोमबार निर्वाचन अधिकृतको कार्यालय स्थापना गरिएको आयोगले जनाएको छ । कार्यालय स्थापनासँगै एक निर्वाचन अधिकृतसहित ९ जना कर्मचारीहरु पनि परिचालन भएका छन् । सुनसरीमा धरान र इटहरी उपमहानगरपालिका छ भने इनरुवा, दुहबी, रामधुनी भाषी र बराह नगरपालिका छ । यस्तै, गढीमाई, भोक्राहा, कोशी, हरिनगरा, देवानगञ्ज र बर्जु गाउँपालिका छ । जिल्लाको मुख्य निर्वाचन अधिकृतको रुपमा प्रमुख जिल्ला न्यायधिश अर्जुनप्रसाद कोइराला छन् भने धरान उपमहानगरमा निर्वाचन अधिकृतकोरुपमा जयप्रसाद महत र इटहरी उपमहानगरमा भरतमणी रिजाल छन् । यस्तै, दुबही नगरपालिकामा मनका न्यौपाने, बराह नगरपालिकामा इन्डीरेश दाहाल र रामधुनी नगरपालिकामा टुबराज पोखरेल निर्वाचन अधिकृत तोकिएका छन् ।
सुनसरीका १२ स्थानीय तहमा २८ वटा मतदान स्थल तोकिएको छ भने ८७ वटा मतदान केन्द्र रहने छन् । अधिकृत महतका अनुसार एक हजार मतदाता बराबर एक मतदान केन्द्र हुनेछ । निर्वाचन आयोगको निर्वाचत तालिकाअनुसार सोमबार स्थापना भएको अधिकृतको कार्यालयहरुले उम्मेद्वार मनोनयन दर्ता, नामावली प्रकाशन, दाबीविरोध, जाँच गरेर अन्तिम नामावली प्रकाशनदेखि चुनाव चिन्ह प्रदान गर्नेलगायत कार्यहरु गर्नेछ ।
Comments
Post a Comment