बार्सिलोना, आदिबासी फुटबल क्लब र मैत्रीपुर्ण खेल

धरान । स्पेनको बार्सिलोना फुटबल क्लबले सुन्दर फुटबल खेल्दै संसारको ध्यान खिचेको छ । चर्चित र प्रतिभाशाली खेलाडी भरिएकोले पनि विश्वभर यो क्लबका करोडौं प्रसंशक एवं फ्यान छन् । नेपालमा पनि यो क्लबका लाखौं फ्यान छन् । यो क्लब र यहाँका आदिबासि जनजाति आन्दोलनबीच के प्रत्यक्ष एवं अप्रत्यक्ष कुनै सम्बन्ध होला ?
यो प्रश्न सुन्दा जटिल लाग्छ र अचम्मित पनि बनाउछ । तर, आदिबासी जनजाति अधिकारका अभियन्ता एवं विद्धान डा.कृष्ण भट्टचन भने बार्सिलोना फुटबल क्लब स्पेनमा रहेका क्याटालोनिया स्वायत्तताको समर्थनमा शुरु भएको बताउछन् । ‘बार्सिलोना क्लब र आदिबासी जनजाति आन्दोलनबीचको सम्बन्ध छ, यसको शुरुवात नै क्याटालोनिया स्वायत्तताको समर्थनमा त्यहाँका आदिबासीहरुबाट भएको रहेछ’–भट्टचनले भने ।

बार्सिलोना क्लबको यही इतिहासबाट प्रेरित हुदै नेपालका आदिबासी जनजाति आन्दोलनका अभियन्ताहरुले पनि आदिबासी फुटबल क्लब गठन गरेका छन् । क्लब गठन जनजाति आन्दोलनलाई समर्थन जुटाउदै व्यापकता दिने नयाँ अभियान भएको डाक्टर भट्टचनको भनाई छ । अधिकार, पहिचान र स्वायत्तताको एजेण्डालाई सडक, मञ्चहरुमा प्रखररुपमा राख्ने डा.भट्टचन भैm अभियन्ताहरु हिजोआज राजधानीमा नियमित फुटबल खेल्छन् । देशका विभिन्न स्थानमा फुटबल खेल्नकै निम्ति पुग्छन् ।

शुक्रबार डा.भट्टचनको कप्तानीमा आदिबासी जनजाति महासंघका पूर्वकेन्द्रीय सदस्य पासाङ शेर्पासहितको टोली धरान मिडिया स्पोर्टिङ क्लबविरुद्ध धरान १७ स्थित एन्फा टेक्निकल सेन्टरको मैदानमा उत्रियो । ‘स्वास्थ्यको लागि खेलकुद राम्रो छदैछ, तर हाम्रो अर्को उद्देश्य आत्मनिर्णयको अधिकार र स्वायत्तताको आन्दोलनलाई समर्थन जुटाउदै अघि बढाउनु पनि हो’–भट्टचनले भने । बराह ज्वेलरी इष्ड्रष्ट्रिज प्रालिको सहयोग तथा धरान नगरपालिकाको संयोजनमा आयोजित मैत्रीपुर्ण खेलमा धरान मिडिया क्लबले ४–२ गोलअन्तरले जित हात पार्यो । निर्धारित समयको खेल २–२ को बराबरीमा टुंगिएपछि धरान मिडियाले थप गरिएको १५ मिनेटको समयमा २ गोल गरेको थियो ।
निर्धारित समयको खेलमा धरान मिडियाको लागि दुवै गोल धिरेन लिम्बूले गरेका थिए भने आदिबासी क्लबकातर्फबाट दुवै गोल राजन खड्का कुँवरले गरेका थिए । थप गरिएको समयमा भने धरान मिडियाको लागि विकास राई र सौरव गुरुङले एक एक गोल गरे । आयोजक धरान मिडिया स्पोर्टिङ क्लबका अध्यक्ष जनकऋर्षि चाम्लिङले आदिबासी जनजातिको अधिकार प्राप्तीको आन्दोलनलाई प्रर्वद्धन गर्ने उद्देश्यले खेल आयोजना गरिएको बताए । मैत्रीपनि पुर्ण खेलअघि आदिबासी जनजाति महासंघ नगर समन्वय परिषद धरानले जनजाति आन्दोलनका अभियन्ताहरुलाई स्वागत तथा सम्मान पनि गरेको थियो । खेल पछि डा.भट्चन र शेर्पासँग आदिबासी जनजाति आन्दोलनबारे अन्र्तक्रिया पनि भएको थियो ।