पण्डित छविलाल र मिरालाई सम्झदै युवा कलाकारहरु(फोटोफिचर)
धरान । उन्नाइस बर्षीय रोमन राई जति स्केच(आर्ट) गर्दै गए, ती वृद्ध मुहारचित्रप्रति उनको सम्मानभाव झन् बढ्दै गयो । धरान ९ शिवप्रकाश पथस्थित एक घरको भित्तामा वृद्धको मुहार चित्र बनाइनुअघि भने रोमनलाई उनी को हुन् भन्नेसम्म थाह थिएन ।ती वृद्ध मुहारचित्र स्वर्गीय पण्डित छविवाल पोख्रेलको हो । यसकारण, अहिले रोमन आफुलाई भाग्यमानी ठान्छन् । पण्डित छविलाल पोख्रेल, जसले हिुन्दु धर्मले जरा गाडेको समयमा पनि जातपात हेरेनन् र, सबैलाई शिक्षा दिलाउनुपर्छ भनेर स्कुल खोल्न, अनि पढाउन जुटे । बाहुनमा सिमित सँस्कृत विद्या राई, लिम्बु, मगर,गुरुङलगायत जनजाति र दलितलाई पनि पढाए, वैदिक मन्त्र सिकाए । अछुत भनिएका दलितहरुलाई सार्वजनिक बाटो हिडाउने र पढाउने हिम्मत गरे । दलितको घरमा पुराण वाचनसमेत गरे । वालिका शिक्षा शुरु गरे । उनका यी काम तत्कालीन समाजले पचाउनै सक्दैनथ्यो । ‘उहाँले धेरै समाज सुधारको काम गर्नुभएको रहेछ, अहिले पो थाह भयो । अब अरुले पनि थाह पाउनेछन् जस्तो लाग्छ’–पण्डित पोख्रेलप्रति नतमस्तक हुदै कलाकार रोमनले भने ।
धनकुटाको कचिञ्डेमा वि.स.१९६२ मंसिरमा जन्मिएका पण्डित पोख्रेलले धरानमा पनि शैक्षिक विकास र समाज सुधारमा धेरै योगदान दिएका थिए । उनको विद्धता देखेर कसैले पुर्वका व्यास भन्थे भने कसैले समाज सुधारक र विद्धान समाजसेवी पनि भन्थे । ०५६ फागुन १ मा देहान्त भएपछि धरानले पण्डित पोख्रेललाई बिर्सदै गयो । उनको योगदानहरु पनि विस्मृत हुदै गयो । नयाँ पुस्ताले त उनलाई चिन्दा पनि चिन्दैनन् । पण्डितका कान्छा छोरा नारायण पोख्रेलका अनुसार धरानमा बुवाको स्मृतिमा एउटा सडकको पनि नामाकरण भएन ।
‘युवाहरुलाई सकारात्मक सोच र सृर्जनात्मक बनाउने उद्देश्यले स्ट्रिट आर्टबारे ज्ञान, सिप बाढ्दै हिडिरहेका छौं । आर्टको माध्यमबाट संवाद होस् भन्ने पनि उद्देश्य हो’–भटराईले भने । धरानमा प्रशिक्षण दिलाउन राजधानीबाट भटराईसँगै किरण मर्हजन, सुर्जन श्रेष्ठ, अमोक पराजुली, विवेक थापा, अरिन श्रेष्ठ, सञ्जय डंगोलको आएका छन् । आर्ट ल्याबले स्ट्रिट आर्टलाई निरन्तरता दिने कलाकारहरुलाई छनौट गरेर स्रोत, सामाग्री उपलब्ध गराउने र दोस्रो चरणमा दिगोपना वर्कशपमा पनि सहभागी गराउनेछ भने डिसेम्बरभित्र प्रसादको स्ट्रिट आर्ट प्रर्दशनी पनि आयोजना गर्ने योजना बनाएको जनाएको छ ।
Comments
Post a Comment