शिवरामलाई इष्र्टन ओपनको उपाधि
धरान । नेपालका नम्बर वान गल्फर शिवराम श्रेष्ठले सिजनको पहिलो स्पर्धा सुर्य नेपाल इष्टर्न ओपन गल्फ प्रतियोगिता २०१६ को उपाधि जितेका छन् । पार ७० को निर्वाण कन्ट्री क्लब गल्फ कोर्षमा बुधबार २ अण्डर ६८ स्कोर गरेका श्रेष्ठले कुल ४ अण्डर २०६ स्कोरका साथ उपाधि जितेका हुन् ।इष्टर्न ओपनमा तेस्रो पटक च्याम्पियन हुने क्रममा उनले यो सिजनको पहिलो उपाधि जितेका हुन् । श्रेष्ठको खेल जीवनमा भने यो ३० औं उपाधि हो । च्याम्पियन ट्रफीसँगै श्रेष्ठले नगद एक लाख १० हजार हात पारे । उनी भन्दा ७ स्ट्रोकले पछि परेका रवि खड्का कुल ३ ओभर २१३ स्कोरका साथ दोस्रो स्थानमा रहदै नगद ७० हजारमा चित्त बुझाए । कुल ६ ओभर २१६ स्कोर गरेका सञ्जय लामा तेस्रो हुदै नगद ५० हजार हात पारे ।
च्याम्पियन श्रेष्ठले तेस्रो दिन फ्रन्ट नाइनमा २ अण्डर ३३ कार्ड बनाउने क्रममा दोस्रो र छैटौं होलमा बर्डी गर्दै स्ट्रोक जोगाए भने ब्याक नाइनमा इभन पार ३५ कार्ड बनाउने क्रममा १०आंै, ११ औं र १२ औं होलमा स्ट्रोक जोगाए पनि १३ औं, १७ आंै र १८ औं होलमा बुगी खेपेका थिए । ‘खेलको शुरुवातबाटै राम्रो भयो, लामो पटिङ पनि छि¥यो । सिजनको पहिलो उपाधि जितेकोले एकदमै खुशी छुँ’–श्रेष्ठले भने–‘यो जितले बाँकी टुर्नामेन्टहरुमा पनि राम्रो गर्ने प्रेरणा मिलेको छ ।’ कुल ५४ होलका खेलमा पहिलो दिन ३ अण्डर ६७ को कार्ड बनाउदै श्रेष्ठ सञ्जय लामासँगै शीर्षस्थानमा रहेका थिए भने दोस्रो दिन १ ओभर ७१ को कार्ड बनाउदै शीर्षस्थानमा कायमै रहेका थिए ।
एमेच्योरतर्फ भने कुल ३ ओभर २१३ स्कोरका साथ स्थानीय शुक्रबहादुर राई च्याम्पियन बने । तेस्रो दिन एक अण्डर ६९ स्कोर गरेका उनले पहिलो दिन ५ ओभर ७५ र दोस्रो दिन एक अण्डर ६९ स्कोर गरेका थिए । एमेच्योरतर्फ धरानकै शिवकुमार माझी कुल ७ ओभर २१७ स्कोरका साथ दोस्रो भए । तेस्रो दिन ३ ओभर ७३ स्कोर गरेका माझीले पहिलो र दोस्रो दिन समान २ ओभर ७२ स्कोर गरेका थिए ।
Comments
Post a Comment