धरानमा चासोक तङ्नाम उत्सव

धरान । पुर्वी नेपालका प्रकृति पुजक लिम्बू जातिको भाषा, संस्कृति जगेर्ना गर्ने उद्देश्यले उधौलीको अवसरमा धरानमा ६ दिने चासोक तङ्नाम साँस्कृतिक पर्यटन उत्सव शुरु भएको छ । किरात याक्थुङ चुम्लुङ धरान नगर समितिको आयोजनामा शनिबारदेखि धरान १५ स्थित चुम्लुङ हिम परिसरमा चासोक तङ्नाम उत्सव शुरु भएको हो ।
चुम्लुङले शनिबार उत्सवबारे पत्रकार सम्मेलन गर्नुका साथै चासोकबारे अन्र्तक्रिया गर्दै उत्सवको शुरुवात भएको जनाएको छ । उधौली अर्थात चासोक तङ्नामलाई लिम्बु जातिले आफ्नो प्रमुख चाडकोरुपमा मनाउदै आएको छ । परम्परादेखि नै आआप्m्नो घरमा मनाउदै आएको चासोक पछिल्लो समय भने सामुहिकरुपमा मनाउन थालेपछि सामाजिक महत्व बढेको चुम्लुङ अध्यक्ष सुवास हुक्पा चोङवाङले बताए ।

उनका अनुसार चासोक तङनामको अवसरमा भेटघाट हुने, शुभकामना आदनप्रदान गरिने, माङलाई पाकेको अन्नवाली चढाउने, अग्रजहरुबाट आर्शिवाद लिने र मनोरञ्जन गर्ने गरिन्छ । पोहोर सालदेखि बच्चाहरुलाई टिका लगाइदिएर दशैंको विकल्पमा चासोकलाई मौलिक चाडकोरुपमा मनाउने चलन पनि शुरु गरेको उनले बताए । ‘दशैं आदिबासी जनजातिहरुको मौलिक चाड होइन भने त्यसको विकल्पमा आप्mनै मौलिक चाडपर्व मनाउनुपर्छ भनेर पोहोरदेखि टिका पनि शुरु गरेका छौं’–उनले भने ।

उत्सवअवधिभर परम्परागतरुपमा चासोक पुजा, हाक्पारे, पालाम, ख्याली, साम्लोको प्रस्तुती रहनेछ भने एक राते मुन्धुम अनुसार तङसिङ, लिम्बु जातिको परम्परागत भेषभेषा प्रर्दशनी पनि हुनेछ । यस्तै, मुन्धुममा उल्लेख भएअनुसार छेलो, लङजम्प, गुलेली, तिर हान्ने, माछा मार्ने, तान बुन्ने जस्ता लिम्बु जातिको मौलिक सास्ँकृतिक खेलहरु पनि आयोजना हुनेछन् भने केलाङ(च्याबु्रङ नाच) प्रर्दशनी पनि हुने आयोजकले जनाएको छ ।

कृर्षिमा आधारित जीवनशैली अपनाइरहेका लिम्बु, राई, याक्खा, सुनुवारलगायत किराती जातिहरुले ऋतु परिवर्तनसँगै खेतीपाती लगाउने र बटुल्ने समयलाई ध्यान दिएर चाडपर्वहरु मनाउने गर्छन् । लिम्बुहरुले खेतीपाती गर्ने समयलाई उभौली(यक्वा पुजा) गर्छन् भने अन्नबाली पाकेपछि उधौली(चासोक तङनाम) गर्छन् । उत्सवअवधिभर मौलिक साँस्कृतिक तथा खेल प्रर्दशनीहरुसँगै राष्ट्रिय तथा स्थानीय कलाकारहरुको पनि प्रस्तुती रहने चुम्लुङको भनाई छ । उत्सवस्थलमा २० वटा स्टलहरु रहनेछन् ।