पूर्वाञ्चलव्यापी ब्याडमिन्टन च्याम्पियनसिप सम्पन्न(फोटोफिचर)
धरान । पूर्वाञ्चलव्यापी खुला ब्याडमिन्टन च्याम्पियनसिप ०७० अन्र्तगत मेन्स डबलमा सप्तरीका विष्णु कटवाल र सुनसरीका प्रकाश लिम्बूको जोडी प्रथम भएको छ ।
शुक्रबार धरानस्थित कवर्ड हलमा सम्पन्न फाइनल खेलमा आयोजक साँगुरी हार्टहिटर ब्याडमिन्टन क्लबका रकम लिम्बू र रविन साउदेनको जोडीलाई हराउदै विष्णु र प्रकाशको जोडी प्रथम भएको हो । उनीहरुले रकम र रविनको जोडीलाई २१–१४ र २१–११ को सोझो सेटमा पराजित गरेको थियो । यस्तै, प्रतियोगिताको मेन्स सिंगल विधामा सप्तरीका विष्णु कटवालले भोजपुरका विवेक श्रेष्ठलाई हराउदै प्रथम भए । फाइनलमा विष्णुले विवेकलाई २१–१६, १७–२१ र २१–९ को सेटमा पराजित गरेका थिए ।
यसैगरि, प्रतियोगिता अन्र्तगतको
वुमेन्स सिंगल विधामा इलामकी सुलोचना भक्तराजले सुनसरीकी अनु राईलाई हराउदै
प्रथम बनिन् । पूर्वाञ्चलकी नम्बर एक खेलाडी सुलोचनाले २१–१८ र २१–१७ को
सोझो सेटमा अनुलाई पराजित गरेकी थिइन् । सोही प्रतियोगितामा मिक्स डबल
विधामा सुनसरीका प्रकाश लिम्बू र अनु राईको जोडीले पञ्चकन्या क्लब धरानका
सुमन लिम्बू र धनमाया योङहाङ्गको जोडीलाई पराजित गर्दै प्रथम भयो । फाइनलमा
सुमन र धनमायाको जोडीले २१–१८ र २१–११ को सोझो सेटमा जित हात पारेको थियो ।
यस्तै, भेट्रान्स डबल विधामा पाँचथरका महेन्द्र थाम्सुहाङ्ग र इन्द्र
योङहाङ्गको जोडी प्रथम भयो । यो जोडीले सुनसरीका चन्द्रशेखर लामा र नयन
लिम्बूको जोडीलाई २३–२१, ११–२१ र २१–१० को सेटमा पराजित गर्यो ।
Comments
Post a Comment