सुनसरी १ नम्बर क्षेत्रमा संस्थापनको वर्चश्व

धरान । नेपाली कांग्रेसको १३ औं महाधिवेशनअन्र्तगत सुनसरी क्षेत्र नम्बर १ मा भएको निर्वाचनमा संस्थापन पक्षको प्यानल विजयी भएको छ । शनिबार राती सम्पन्न मतपरिणाम अनुसार क्षेत्रीय कमिटि, महाधिवेशन प्रतिनिधि र जिल्ला सदस्यमा सबै संस्थापन पक्षका विजयी भएका छन् ।
क्षेत्रीय सभापतिमा सुरेशमान श्रेष्ठ र उनको पुरै प्यानल विजयी भएको छ । सभापतिमा श्रेष्ठले कुल खसेको मत १७६ मध्ये ११२ मत पाएका थिए भने उनका प्रतिद्धन्दी मदन ढकालले मात्र ६० मत पाए । सभापतिमा ४ मत वदर भएको थियो । पराजित उम्मेदवार ढकाल संस्थापन पक्षकै भएतापनि पछिल्लो समय गुट परिवर्तन गरेका हुन् । यसैगरि, सचिव पदमा श्रेष्ठ प्यानलका मुरारीप्रसाद भटराई १२५ मत पाएर विजयी भए । उनका प्रतिद्धन्दी ढकाल प्यानलका मनोजकुमार सुब्बाले मात्र ४९ मत पाए ।

कोषाध्यक्षमा श्रेष्ठ प्यानलकै सागर भटराईले १२८ मत पाएर विजयी भए भने उनका प्रतिद्धन्दी ढकाल प्यानलका अरुणकुमार कटवालले मात्र ४५ मत पाए । यस्तै, क्षेत्रीय सदस्यहरुमा महेन्द्र प्रधान(१२१ मत), मुकेश थापा(११६), धनबहादुर कटवाल(१११), भोजराज न्यौपाने(१०९), मनिता घिमिरे(१०७), सपना राई(१०७), प्रेमकुमार राई(१०५), ललिता अधिकारी(९६) र नारद राई(९२) मत ल्याएर विजयी भए ।

यसैगरि, खुलातर्फ महाधिवेशन प्रतिनिधिमा सुजेन्द्र तामाङ(१११), उमेश थापा(१०८), पर्वतकुमार राई(९४), चन्द्रप्रसाद श्रेष्ठ(८३), सन्तोष सापकोटा(७६) र नन्दराज राई(७१) विजयी भए भने महिला आरक्षण कोटामा लक्ष्मी खतिवडा(१००) र कृष्णकला मादेन(९२) विजयी भइन् । दलित आरक्षणमा सन्तोष बिक(१०८), जनजातितर्फ सुवास राई(९९) र मधेशी, मुस्लिम, पिछडावर्ग, अल्पसंख्यकतर्फ अनिलकुमार अग्रवाल प्रिन्स(८१) विजयी भए । खुलातर्फ जिल्ला सस्दस्यमा चन्द्रशेखर लामा(१२४), अनिल श्रेष्ठ(१२०), माधव घिसिङ(१११) र गाविन्द बहादुर बस्नेत(१०७) विजयी भए । क्षेत्रीय निर्वाचनमा कुल १८० मतदातामध्ये १७६ मत खसेको थियो ।