गोधुली रनिङ कपमा वडा १५ र २७ क्वार्टरफाइनल प्रवेश

धरान । वडास्तरीय १७ औं रेडबुल गोधुली फुटबल रनिङ कपमा धरानको वडा नम्बर १५ र वडा २७ क्वार्टरफाइनल प्रवेश गरेको छ । धरान १७ स्थित एन्फा टेक्निकल सेन्टरको मैदानमा बिहिबार भएको दोस्रो चरणको पहिलो खेलमा वडा नम्बर १५ ले वडा २० लाई २–१ गोलअन्तरले हराउदै क्वार्टरफाइनल पुग्ने पहिलो टिम बन्यो ।

 वडा १५ का सुवर्ण सामखिम र सुभम कार्कीले गोल गर्दै टिमलाई क्वार्टरफाइनलमा पु¥याए । वडा २० का अमर राईको गोल भने सान्त्वनामा सिमित भयो ।
पहिलो हाफको खेल शुरु भएको ६ मिनेटमै सुवर्णले वडा १५ को लागि गोलको खाता खोलेका थिए । यस्तै, दोस्रो हाफको १६ औं मिनेटमा गोल गर्दै शुभमले टिमलाई २–० को अग्रता दिलाए । तर, दोस्रो हाफको २२ औं मिनेटमा वडा २० का अमरले गोल गर्दै खेलमा टिमलाई फर्काउने प्रयास गरेपनि सम्भव भएन । सो खेलको म्यान अफ दि म्याच वडा १५ का साजन लिम्बु घोषित भए ।

यस्तै, दोस्रो खेलमा वडा २७ ले १–० को झिनो गोलअन्तरमा वडा ६ लाई पराजित गर्दै क्वार्टरफाइनल यात्रा तय ग¥यो । वडा २७ को जितमा तपन कार्कीले एक मात्र निर्णायक गोल गरे । उनले दोस्रो हाफको १९ औं मिनेटमा गोल गरेका थिए । सो खेलको म्यान अफ दि म्याच पनि तपन नै घोषित भए । प्रतियोगितामा शुक्रबार धरान ८ र धरान २३ बीच पहिलो खेल हुनेछ भने दोस्रो खेल धरान १६ र धरान ७ बीच हुनेछ ।