मुन्धुम साँझमा सुगम संगीत र कविता
त्यो मौकाले उनलाई सुगम गीत, संगीतप्रति असाध्यै मोहित तुल्यायो । त्यसपछि उनलाई लाग्यो, यस्तो गीत र संगीत त अरुलाई पनि सुनाउनुपर्छ । अहिले उनी त्यही अठोट पुरा गर्ने तरखरमा छिन् । सिमित स्रोताहरुमा लोकप्रिय सुगम संगीतको प्रर्वद्धनको लागि उनले आगामी माघ २२ गते धरानमा मुन्धुम साँझ आयोजना गर्दैछिन् । उक्त सांगीतिक कार्यक्रममा लोकप्रिय गायक गणेश रसिकसँगै मुन्धुमी गीत, संगीतमा गहिरो अध्ययन गरेकी गायिका झुमा वनेमको लाइभ प्रस्तुती रहनेछ भने अर्का चर्चित कवि उपेन्द्र सुब्बाको पनि कविता वाचन हुनेछ ।
गायक गणेश रसिकले कलाकारहरुको लागि यस्तो कार्यक्रम ठुलो अवसर भएपनि आयोजकलाई आर्थिकरुपमा चुनौतीपुर्ण हुने बताए । सुगम गीत, संगीतका स्रोताहरु सिमित हुने भएकोले कार्यक्रम गर्नु जोखिमपुर्ण भए पनि मुनु मिभकले साहस गरेको भन्दै प्रसंसा पनि गरे । ‘यस्तो कार्यक्रम गायकहरुले गर्न सम्भव छैन, किनभने आर्थिकरुपमा पनि नोक्सानी व्यहोर्नुपर्ने हुन्छ । तर, उहाँले चुनौतीलाई स्वीकार्दै साहस गर्नुभएको छ, यो हामी जस्ता कलाकारको लागि ज्यादै खुशीको कुरा हो’–गायक रसिकले भने–‘सुगम गीत, संगीत सुन्नबाट बञ्चित स्रोताहरुले लाइभ सुन्ने अवसर पाउनुहुनेछ ।’
Comments
Post a Comment