जोइन ह्याण्डस्, सेभ लाइफको सहयोगमा ह्विलचियर र्याम्प
धरान । पूर्नस्थापना गृहमा रहेका असक्त बालबालिकाहरु ह्विलचियरमा कोठा बाहिर निस्कुपर्दा निक्कै सास्ती खेप्नुपथ्र्यो । ढोका बाहिर निस्कनसाथ उखडबखड आँगनमा ह्विलचियर गुड्न सक्दैनथ्यो । कतिपय बालबालिकाहरु ह्विलचियरबाटै लड्न खोज्थे ।धरान ४, छाताचोक स्थित गृहका प्रमुख भिम राईलाई अहिले भने यो हैरानीबाट छुटकारा मिलेको छ । गृह प्रवेश गर्ने मुख्य गेटमा र गृहको ढोकाबाट आँगनसम्म अपांगमैत्री ह्विलचियर र्याम्प बनेपछि उनीसँगै बालबालिकाहरु पनि खुशी छन् । ‘अहिले धेरै सजिलो भएको छ, केटाकेटीहरु आफैले ह्विलचियर गुडाउन सक्छन्, यताउति डुल्न सक्ने भएका छन्’–मंगलबार गृहप्रमुख राईले भने । गृहमा विभिन्न जिल्लाका २३ जना बालबालिकाहरु छन् । ती मध्ये ६ जना अशक्त बालकह ह्विलचियर प्रयोग गर्छन् ।
गृहमा ज्वान ह्याण्डस्, सेभ लाइफ नामक युवाहरुको सामाजिक संस्थाले ह्विलचियर र्याम्प बनाइदिएको हो । वैदेशिक रोजगारीमा दुबईमा पुगेका बिक्रम लामा(आंखु)को पहलमा आफ्नो देशमा सामाजिक काम गर्ने उद्देश्यले सन् २०१२ मा यो संस्था गठन भएको थियो । यो संस्थाले भिन्न क्षमता भएका व्यक्तिहरुलाई र बिषेश गरि बालबालिकाहरुलाई प्राथमिकतामा राखेर विभिन्न सहयोग एवं सामाजिक काम गर्दै आइरहेको छ ।
संस्थाका उपाध्यक्ष डम्बर लिम्बुका अनुसार पुर्नस्थापना गृहसँगै सरकारी कार्यालयलाई अपांग मैत्री बनाउन इलाका प्रशासन कार्यालय धरानको मुख्य प्रवेश द्धार र कार्यालयको ढोकाअघि पनि ह्विलचियर र्याम्प निर्माण गरिएको छ । यस्तै, धरान ११ स्थित सेतो गुँरास बालबिकास केन्द्रमा पनि एक स्थानमा र्याम्प निमाण गरिएको उपाध्यक्ष लिम्बूले जानकारी दिए । गत बर्ष आयोजित इन्द्र बराह ज्वेलरी ह्विलचियर बास्केटवल प्रतियोगिता आयोजनाबाट बचत भएको रकममध्ये गृह र प्रशासन कार्यालयमा २५÷२५ हजार र सेतो गुराँसमा १६ हजार ५ सयको लगानीमा र्याम्प निर्माण गरेको संस्थाले जनाएको छ । ‘ह्विलचियर र्याम्प बनाउन संस्थाका सदस्य युवाहरुले श्रमदान पनि गर्यौं’–उपाध्यक्ष लिम्बूले भने ।संस्थाले पुर्नस्थापना गृह र सेतो गुराँस बालबिकास केन्द्रलाई एक एक थान डस्टविन पनि हस्तान्तरण गरेको छ । भविष्यमा पनि भिन्न क्षमता भएका बालबालिका एवं व्यक्तिहरुलाई सहयोग तथा युवाहरुलाई सामाजिक काममा प्रेरित गर्ने गतिविधिहरु गर्दै जाने संस्थाले जनाएको छ । संस्थाले यसअघि पूर्नस्थापना गृहमा विद्युत जडान गरिदिएको थियो भने मासिक शुल्क पनि तिरिदिदै आएको छ । यस्तै, लत्ताकपडा, शैक्षिक सामग्री वितरण र बेला बेला वनभोज कार्यक्रम पनि आयोजना गर्दै आएको छ । धरान १७ स्थित सयपत्री बालबिकास केन्द्रको भवन निर्माणको क्रममा यो संस्थाले २ वटा ढोका सहयो गरेको थियो । संस्थाले विभिन्न मुलुकमा रहेका युवाहरुबाट आर्थिक सहयोग जुटाएर सामाजिक काम गर्दै आएको छ ।
Comments
Post a Comment