धरानमा सुजुकीको नयाँ डिलर

धरान । विशाल ग्रुपअन्र्तगतको भि.जि.अटोमोवाइल्स प्रालि आधिकारिक बिक्रेता रहेको भिजि सुजुकी मोटरसाइकलको धरानमा नयाँ डिलर शुरुवात भएको छ । भि.जि.सुजुकीको नयाँ डिलर नव दुर्गा अटो प्यालेस धरान ८ स्थित जिल्ला ट्राफिक कार्यालयनजिक हालै मात्र सञ्चालनमा आएको हो ।
भिजि अटोमोवाइल्सले बुधबार दिउँसो वृहत मेकानिकहरुसँग भेटघाट कार्यक्रम गर्यो भने साँझमा नयाँ डिलरको परिचयसँगै व्यापार सहकर्मीहरुको भेलाआयोजना गरेको थियो । प्रालिका सहायक महाप्रबन्धक अधिर कुमार श्रेष्ठका अनुसार पहिलो भेलामा धरानका ५० भन्दा बढी मेकानिक्सहरु सहभागी भएका थिए । उक्त कार्यक्रममा श्रेष्ठसँगै सेवा प्रमुख बिके झाले सुजुकी मोटरसाइकलका विशेषता, सभिर्सिङ् सेवा, प्राविधिक पक्षलगायतका बिषयमा प्रष्ट्याएका थिए ।
यसैगरि, साँझ निर्वाणामा आयोजित भेलामा सहायक महाप्रबन्धक श्रेष्ठले सुजुकी विश्वप्रसिद्ध ब्राण्ड र सबैभन्दा बढी बिक्री हुने भएपनि नेपालमा भने बिक्री राम्रो नभइरहेको बताए । यद्यपी उनले चार महिनायता व्यापारीक घराना विशाल ग्रुपले आधिकारिक बिक्रे  ाबनेकोले अब बिक्रीमा तीब्रता आउने उनले दाबी गरे । ‘सुजुकी विश्वप्रसिद्ध ब्राण्ड हो, गुणस्तरमा यसको ख्याती विश्वमै छ र सबै भन्दा बढी बिक्री पनि हुन्छ’–श्रेष्ठले भने–‘तर, नेपालमा ३० बर्षअघिदेखि भित्रिएपनि त्यति राम्रो बिक्री छैन । विशाल ग्रुपले आधिकारिक बिक्री शुरु गरेकोले अब बिक्री बढ्नेछ भन्नेमा ढुक्का छौं ।’ उनले विश्वप्रसिद्ध ब्राण्डअनुसार नै नयाँ शो रुम र डिलरहरुलाई व्यवस्थित गरिरहेको जानकारी दिदै सर्भिसिङ र स्पेयर्स पार्टस्हरु पनि सहजरुपमा उपलब्ध गराइने बताए ।

धरानस्थित डिलका प्रबन्ध निर्देशक दुर्गा भुजेलका अनुसार हाल विभिन्न ५ मोडेलका मोटरसाइकल र स्कुटी ग्राहकहरुको लागि उपलब्ध छ । हाल स्कुटीमा एक्सेस १२५ सिटि. र स्वीस १२५ सिटि मोडलको रहेको छ भने मोटरसाइकलमा सिलिङ सट १२५ सिसि, हायते १२० सिसि र जिएस १५० सिसिको उपलब्ध छ । ‘आगामी जनवरीदेखि २ वटा नयाँ मोडलका मोटरसाइकल र एउटा स्कुटी नयाँ मोडेलको थपिनेछ, यी सबै युवा युवतीहरुलाई लक्षित गरेर उत्पादन गरिएको हो’–प्रबन्ध निर्देशक भुजेलले भने । शोरुममा हाल एक लाख ४९ रुपैयादेखि २ लाख ९ हजार रुपैयासम्मका स्कुटी एवं मोटरसाइकलहरु छन् । प्रत्येक सुजुकी मोटरसाइकल तथा स्कुटी खरीदमा ग्राहकले बिशेष छुट पाउनुकासाथै बम्परमा सुजुकी कार र ३ थान एलसिडि टिभि पनि पाउने भेलामा जानकारी दिइएको थियो ।