सुनसरी उद्योग वाणिज्य संघको जिम्मेवारी बाँडफाँड
धरान । निवार्चित भएको दुई सातापछि सुनसरी उद्योग बाणिज्य संघले पदको जिम्मेवारी बाँडफाड गरेको छ । संघको आइतबार साँझ बसेको पहिलो बैठकले सदस्यहरुलाई पदीय जिम्मेवारी दिएको हो ।
बैठकले संघको प्रथम उपाध्यक्षमा विजय श्रेष्ठ, द्धितीय उपाध्यक्ष गिरीधारी सापकोटालाई चयन गरेको छ भने महासचिवमा शिवराज श्रेष्ठ र कोषाध्यक्ष राजेश अग्रवाललाई जिम्मेवारी दिएको छ । यस्तै, उद्योग सचिवमा महेन्द्र प्रधान, बाणिज्य सचिवमा मनोज श्रेष्ठ र प्रचार तथा संगठन सचिवमा उपेन्द्र चाम्लिङलाई सोही बैठकले जिम्मेवारी दिएको छ ।
गत बैशाख २७ गते भएको निर्वाचनबाट अध्यक्षमा शाह विजयी भएका थिए । संघको विधानअनुसार अध्यक्ष एक जना र बाँकी १७ जना सदस्यमा निवार्चित हुने प्रावधान छ भने थप २ जना अध्यक्षले र २ जना कार्यसमितिले मनोनयन गर्ने प्रावधान छ । निर्वाचनबाट संघको सदस्यमा नविन राजभण्डारी, मानबहादुर दियाली, सुभेच्छा अधिकारी श्रेष्ठ, किरणकुमार अग्रवाल, किसन मास्के र पियुसराज आचार्य निर्वाचित भएा थिए भने बिमला श्रेष्ठ उद्योगतर्फ महिलाबाट, दिपककुमार श्रेष्ठ बस्तुगततर्पm, अनिलकुमार अग्रवाल र सञ्जय अटल एशोसिएटबाट निर्विरोध चयन भएका थिए ।
Comments
Post a Comment