शिक्षा सदनका पुर्वविद्यार्थीहरुद्धारा कम्प्युटर र प्रोजेक्टर प्रदान(फोटोफिचर)

धरान । शिक्षा सदन उच्चमावि धरान १५ का पुर्व विद्यार्थीहरुको समुह एसएलसी ब्याच–२०५१ ले त्यहाँ अध्ययनरत विद्यार्थीहरुलाई आधुनिक प्रविधिमा पहुँच पु¥याउने उद्देश्यले विद्यालयलाई सुचना एवं प्रविधिको सामग्रीहरु प्रदान गरेको छ । विद्यालयमा शुक्रबार आयोजित छात्रवृत्ति वितरण समारोहमा एसएलसी ब्याच–२०५१ तदर्थ समितिले कम्प्युटर र प्रोजेक्टर प्रदान गरेको हो ।
समितिले ११ थान कम्प्युटर सटे र २ थान प्रोजेक्टर विद्यालयलाई उपलब्ध गराएको हो । समितिका सदस्यहरुले संयुक्तरुपमा सामग्री विद्यालय व्यावस्थापन समितिका अध्यक्ष बकसमान गुरुङ र प्राचार्य अमरबहादुर बस्नेतलाई हस्तान्तरण गरेका थिए । सोही समारोहमा छात्रवृत्तिको लागि २ वटा अक्षय कोषको पनि पुर्व विद्यार्थीहरुले घोषणा गरेका थिए । तदर्थ समितिका संयोजक मनिष खड्गीका अनुसार देश विदेशमा छरिएका रहेका एसएलसी ब्याच–२०५१ का दुई दर्जन जति विद्यार्थीहरुबाट सहयोग रकम संकलन भएको हो ।जसमध्ये पहिलो चरणमा अध्ययनरत विद्यार्थीहरुलाई अध्यापनमा सहज र प्रविधिमैत्री बनाउन कम्प्युटर र प्रोजेक्टर दियएको उनले बताए । पुर्व विद्यार्थी दिदी भाई उमेश पौडेल र उमा पौडेल खड्काले संयुक्तरुपमा बुबाको स्मृतिमा १ लाख ११ हजार १ सय ११ रुपैयाको नरसिंह पौडेल स्मृति छात्रवृत्ति पुरस्कार कोष स्थापनाको घोषणा गरेका छन् भने शान्ति धनकला राईले पनि आफ्नी जीवित आमाको नाममा १ लाख रुपैयाको छात्रवृत्ति कोष स्थापना गरिदिएकी छिन् ।

खड्गीका अनुसार गत २०७२ बैशाख १२ गतेको महाभुकम्पले विद्यालयको मुख्य भवनमा अध्यापन गराउनै नमिल्ने गरी कमजोर बनाइदिएपछि विद्यालय पुर्ननिर्माण गर्न पुर्वविद्यार्थीहरु एकजुट भएका थिए । तर, विद्यालयले मैदानमा टिनको छाप्रो बनाएर अध्यापन शुरुवात गरिसकेको र जिल्ला शिक्षा कार्यालयबाट छुट्टै भवनको लागि बजेट विनियोजन गरिसकेकोले संकलित रकमले कम्प्युटर र प्रोजेक्टर वितरण गरेको समितिले जनाएको छ । ‘भवनको लागि बजेट आइसकेको रहेछ, त्यसैले अध्ययनरत विद्यार्थीलाई अत्यावश्यक रहेको सञ्चार प्रविधिको सामग्री दिएका हौं । यसले उनीहरुलाई प्रविधिमा पहुँचसँगै पढाईमा पनि सहयोग पुग्छ भन्ने आशा छ’–खड्गीले भने ।

प्राचार्य अमरबहादुर बस्नेतले पुर्वविद्यार्थीहरुको सहयोगले प्रोजेक्टरबाट पठनपाठन शुरुवात गर्ने विद्यालयको सपना पुरा भएको भन्दै खुशी व्यक्त गरे । सहयोगले विद्यालयको अध्यापन शैली अब आधुनिक प्रविधिबाट हुने र यसले विद्यार्थीलाई धेरै फाइदा पुग्ने उनको भनाई छ । ‘शिक्षण सामग्री तयार गछांै र प्रोजेक्टरमार्फत दृष्य सामग्रीबाट पठनपाठन गछांै’–प्राचार्य बस्नेतले भने–‘धेरै संख्या विद्यार्थी भएको ठुलो कक्षा कोठामा प्रोजेक्टरमार्पmत देखाउदा धेरै सहयोग पुग्छ र पढाई पनि प्रभावकारी हुन्छ ।’ उनका अनुसार यसअघि विद्यालयमा १० वटा कम्प्युटर भएपनि प्रोजेक्टर अभावमा दृष्यसामग्रीबाट पढाई गर्न सकिएको थिएन ।
सोही समारोहमा ०७२ सालको बार्षिक परीक्षामा प्रथम,दोस्रो र तेस्रो स्थान हुने विद्यार्थीलाई पुरस्कृत गरिएको थियो भने विभिन्न व्यक्तिहरुले स्थापना गरेको गरिब तथा जेहेन्दार छात्रवृत्ति पनि प्रदान गरिएको थियो ।
                     

                   कस्ले, कहाँबाट गरे सहयोग ?

प्रेमिना सम्बाहाङफे(हाल हङकङ) - रु ४० हजार
दिपेन किराँत(हाल युके) - रु ३० हजार 
निरमाया निरौला(हाल काठमाण्डौं) - रु २० हजार 
सरिता लिम्बु(हाल युके) - रु २० हजार
गंगा खतिवडा(हाल काठमाण्डौं) - रु १५ हजार
गौतम यक्सो(हाल अष्ट्रेलिया) - रु १५ हजार
रेखा श्रेष्ठ(हाल इजराइल) - रु १५ हजार
तेजबहादुर लिम्बु(हाल युके) - रु १५ हजार
पुकल राई(हाल ओमन) - रु ११ हजार
निर्मल मोक्तान(हाल कतार) - रु १० हजार २७
शान्ति राई(हाल धरान) - रु १० हजार
मोहिता ताम्राकार(हाल धरान) - रु १० हजार
भीम खवास(हाल धरान) - रु १० हजार
अनुपमा श्रेष्ठ(हाल धरान) - रु १० हजार
मनिष खड्गी(हाल धरान) - रु ५ हजार ५ सय
उमेश पौडेल(हाल धरान) - रु ५ हजार ५ सय
दिनेश गजमेर(हाल धरान) - रु ५ हजार
जुना रिजाल(हाल धरान) - रु ५ हजार
ऋर्षि बज्रचार्य(हाल कतार) - रु ५ हजार
सुनिल निरौला(हाल धरान) - रु ५ हजार
पुष्पा ताम्राकार(हाल धरान) - रु ५ हजार
शकुन्तला शाक्य(हाल धरान) - रु ३ हजार
दया शाक्य(हाल धरान) - रु ३ हजार
अखण्ड पोख्रेल(हाल धरान) - एक थान कम्प्युटर