बराहको सफलता, गहना पसलदेखि डिपार्टमेन्ट स्टोरसम्म
लामिछानेसँग व्यापारको ‘भिजन’ थियो । उनको त्यही भिजन(परिकल्पना), मेहनत र कुशल नेतृत्वले ८ बर्षमै व्यापार–व्यावसायमा फड्को मारे । कोठा भाडामा लिएर शुरु भएको व्यावसाय ०६० सालमा आइपुग्दा धरान ५ मा आफ्नै भवनमा बराह ज्वेलरी ट्रेड सेन्टरको नाममा सर्यो । बराह सपिङ कम्प्लेक्सको नामले चिनिएको उक्त भवनमा सरेपछि ज्वेलरीबाहेक बराहले अन्य व्यापार व्यावसायमा पनि लगानी र विस्तार गर्दै गयो । ग्राहकहरुको विश्वास र साथ पाएको बराहले ०६० सालमै काठमाण्डौंमा पनि व्यापार विस्तार गरिसकेको थियो । ०६५ सालमा बराह ज्वेलरी इण्डष्ट्रिज प्रालि दर्ता गरेर आफ्नो व्यापारलाई प्रालिले पोखरा हुदै युकेदेखि हङकङसम्म विस्तार गरिसकेको छ । प्रालिका संस्थापक एवं परिकल्पनाकार लामिछानेको ०६९ माघ १९ मा हङकङमा रहस्यमय मृत्यु भयो । यो घटनाले पनि बराह विचलित भएन । उनको परिवार र स्थापनाकालदेखिकै सहयात्रीहरुले बराहलाई कुशलतापुर्वक हाँकेका छन्, र व्यापारको नयाँ नयाँ क्षेत्रमा बर्षेनी लगानी थप्दै विस्तार गरिरहेका छन् ।
ग्राहक एवं उपभोक्ताहरुलाई बराहमा ‘नुनदेखि सुनसम्म’ हरेकथोक पाइन्छ भन्ने छ । धरान ५ स्थित चार तले बराह कम्प्लेक्सको भुईतलाको अघिल्लो भागमा सुनचादी र पत्थरजडित परम्परागत एवं आधुनिक डिजाइनको गहगहना शोरुम छ । शुरुवाती यो व्यापार नै बराहको ब्राण्ड(पहिचान) हो । त्यही भुईतलामा प्रालिले बराह डिपार्टमेन्ट सञ्चालनमा ल्याएको छ । जहाँ खाद्यान्न, पेय तथा ग्रोसरीलगायत दैनिक घरायसी उपभोग्य वस्तु उपलब्ध छ । पहिलो तलामा ग्राहकले राष्ट्रिय तथा अन्र्तराष्ट्रिय ब्राण्डको तयारी पोशाक(फेन्सी आइटम) र थान कपडा खरीद गर्न पाउनेछन् भने दोस्रो तलामा ०७० सालदेखि प्रालिले बराह चाइना संसार सञ्चालनमा ल्याएको छ । ‘धरान महंगो बजार भयो भन्ने धेरै गुनासो सुन्यौं, त्यसैले ग्राहकहरुलाई सस्तोमा सामान दिन चीनमा उत्पादित इलेक्ट्रोनिक्स, घरासयी किचेन, सजावट र ब्राण्डेड मोवाईल पनि पाउने गरि चाइना संसार खोल्यौं’–शाखा प्रमुख विश्वकर्माले भने ।
कम्प्लेक्सको तेस्रो तलामा इनद्र बराह ट्राभल्र्स एण्ड टुर्स छ । यही रेमिट्यान्स सेवा पनि छ भने ०६६ सालबाट बराह बचत तथा ऋण सहकारी संस्था पनि तेस्रो तलामा नै सञ्चालनमा छ । यो सहकारीले गत आर्थिक बर्षमा मात्रै करिब २३ करोड बराबारको कारोबार गरेको थियो । सहकारीले आफ्ना सेयर सदस्यहरुलाई खुकुरी, च्याउ खेती, वंगुरपालनलगायत कृर्षि क्षेत्रमा लगानी गरेको छ । यसबाहेक यही तलाबाट प्रालिले मानवीय सेवाको लागि एमबुलेन्स सेवा र घरमा खानेपानी पुर्याउन खानेपानी ट्यांकर पनि सञ्चालन गरेको छ । आफ्ना सेयर सदस्य र ज्यादै विपन्नलाई यी दुवै सेवा निःशुल्क छ ।
चौथो तलामा गत बर्षदेखि बराह बाल संसार सञ्चालनमा छ । एघार बर्षसम्मका बालबालिकालाई मनोरञ्जन, शारीरिक कसरत र बौद्धिक विकास गराउने खेलसामग्री छन् । अभिभावकहरुले अढाई तीन घण्टा छोराछोरी यहाँ छोडेर ढुक्कले सपिङ्ग गर्न वा जरुरी काम गर्न भ्याउछन् । प्रालिले बच्चा हेरिदिन सुरक्षाकर्मी र कर्मचारी नै खटाएको छ । त्यही तलामा बराह किचन छ, जहाँ चाइनिज, इण्डियन र नेपाली परिकारको स्वाद पाइन्छ । ‘एउटै छानामुनि दैनिक जीवनमा आवश्यक, घरासयी सबै प्रकारका सामान पाइन्छ । डिर्पाटमेन्टअन्र्तगतको सामान विना शुल्क ग्राहकको घरसम्म पुर्याइदिन्छौं । लेवर खर्च पनि तिर्नुपदैन’–प्रमुख प्रशासकीय अधिकृत गंगा कालिकोटेले भने–‘ग्राहकको सुरक्षालाई बिशेष ध्यान दिएर सिसिटिभि क्यामेरा राखेकोले सुरक्षित महसुर गराउछ । बृद्धवृद्धा र भिन्न क्षमता भएकाहरुलाई लिफ्टको व्यवस्था छ ।’
बराहको भावी योजना
बराह कम्प्लेक्ससँगैको डेढ कट्ठा जमिन खरीद गरेको प्रालिले नयाँ भवन निर्माण गरिरहेको छ । त्यहाँ सुनचादी तथा पत्थरजडित व्यावसाय सर्नेछ । डेढ कट्ठा जमिनमा चाडै नयाँ डिर्पाटमेन्ट स्टोर पनि सञ्चालनमा आउदैछ भने केही महिनाभित्रै २ वटा दिवा सेवा थप गर्ने प्रालिले जनाएको छ । यही बर्ष चितवनको नारायणगढमा भवन निर्माण गरेर शाखा कार्यालय सञ्चालन गर्ने पनि बराहको योजना छ भने उत्पादनशील कृर्षि क्षेत्रमा पनि लगानी गर्ने शाखा प्रमुख विश्वकर्माले जानकारी दिए ।कुराकानी
मानबहादुर विश्वकर्मा, शाखा प्रमुख
प्रश्नः बराहले २१ औं बार्षिकोत्सव कसरी मनाउदैछ ?उत्तरः भदौ ५ गते बराहको बार्षिकोत्सव हो । विगतमा जस्तै मानवीय सेवाको लागि ५ गते बिहान ठिक ७ बजे धरान र काठमाण्डौंमा गरि ६ स्थानमा एकै पटक रक्तदान कार्यक्रम गर्दैछौं । काठमाण्डौंमा पिपलबोट, भुगोलपार्क र धरानमा भानुचौक, रेल्वे, पिण्डेश्वरी चोक, जिरो प्वाइन्ट र धरान सभागृहमा एकै समयमा रक्तदान हुन्छ ।
धरान सभागृहमा हुने बार्षिकोत्सवमा ३ जना व्यक्तित्वलाई सम्मान गछौं । बर्षभरि ज्वेलरी खरीद गर्ने उत्कृष्ट ३ ग्राहकलाई पनि सम्मान हुन्छ । डिपार्टमेन्टमा न्युनतम १० हजारदेखि ८ लाखसम्म खरीद गरेका २११५ जना ग्राहकहरुलाई बिशेष उपहार दिन्छौं । त्यसमध्ये एक जना भाग्यशाली ग्राहकले स्कुटी उपहार पाउछन् । धरान, पोखरा, हङकङका उत्कृष्ट कर्मचारीलाई पनि पुरस्कृत गछौं ।
प्रश्नः बराहको सफलताको श्रेय कस्लाई दिनुहुन्छ ?
उत्तर ः सफलताको श्रेय आदरणीय दाई इन्द्रबहादुर लामिछाने ज्युको भिजन, कुशल नेतृत्व र हामी सबैको इमान्दारीता, मेहनत अनि निरन्तरताले हो । हाम्रो यो प्रतिवद्धताले ग्राहक, शुभचिन्तकहरुको विश्वास कमायौं । ब्रिटिश आर्मी, ब्रनाई, सिंगापर अनि भारतीय सैनिक र उहाँहरुको परिवारजन, आदिबासी जनजाति र समग्र धरानबासीहरुले पनि साथ दिनुभएकोले नै यो स्थानमा पुग्यौं ।
प्रश्नः बराहले नाफा मात्रै कमाउने हो ?उत्तर ः व्यावसायिक प्रतिष्ठान भएकोले नाफा हुन्छ नै । तर, नाफाको १० प्रतिशत समाजमा पनि लगानी गछौं । भडेटारस्थित पाथीभारा मन्दिर र बराहक्षेत्रमा स्वागतद्धार बनायौं । पत्रकार महासंघलाई भवन बनाउन १० लाख सहयोग, तीनकुनेमा इन्द्रेश्वर महादेवको प्रतिमा बनायौं । यस्तै, विभिन्न सामाजिक तथा खेलकुद संघसंस्थाहरुलाई सहयोग पनि गरिरहेका छौं । मानवीय सेवाको लागि एम्बुलेन्स र खानेपानी ट्ंयाकर पनि छ । धरानका कार्यरत १६० जना मध्ये १०२ जना कर्मचारीको पौने २ करोड रुपैयाको जीवन विमा पनि गरिदिएका छौं ।
Comments
Post a Comment