धरान एकेडेमीका खेलाडी बि डिभिजन क्लबमा अनुबन्धित

-

धरान । कुनै पनि खेलाडीको सपना हुन्छ, लिग फुटवल खेल्ने । तर, जो कोही खेलाडी क्लबको आँखामा पर्न सक्दैनन् । यस मानेमा धरानका केही युवा खेलाडी भाग्यमानी सावित भएका छन् ।
धरान फुटवल क्लबले सञ्चालन गरेको एकेडेमीमा डेढ बर्षदेखि प्रशिक्षणरत खेलाडीहरुमध्ये ६ जना युवा खेलाडीहरु बि डिभिजन लिगको लागि राजधानीको क्लबमा आवद्ध भएका छन् । क्लबको पहलमा उनीहरु राजधानीको च्यासल युथ क्लब र ब्रिगेड ब्याइज क्लबमा आवद्ध भएका हुन् । उनीहरु बि डिभिजन लिगअवधिभरको लागि अनुबन्धित भएको क्बलले जनाएको छ । राजधानीमा बि डिभिजन लिग यही फागुन २० गतेदेखि शुरु हुदैछ ।
क्लबले जनाएअनुसार च्यासल युथमा धिरेन लिम्बू, सौजन राई, प्रशासन्त बुढाथोकी र रञ्जित भुजेल आवद्ध भएका छन् । यस्तै, ब्रिगेड ब्वाइजमा रमेश मगर र दिवस राई अनुबन्धित भएका हुन् । यी खेलाडीहरुको उमेर १८ देखि २० बर्षसम्म छ । ब्रिगेड ब्वाइज भर्खरै सकिएको ए डिभिजन लिगमा रेलिगेशनमा परेर घटुवामा परेको क्लब हो । ‘मोसफलका युवा खेलाडीहरुको लागि यो ठुलो अवसर र उपलब्धी हो’–क्लबका अध्यक्ष एवं एन्फा केन्द्रीय उपाध्यक्ष किसोर राईले भने–‘बि डिभिजन लिग नै भएपनि उनीहरुले आफ्नो प्रतिभा, क्षमता देखाउने अवसर पाउछन् र त्यहीबाट उनीहरु राष्ट्रिय लिग खेल्ने ए डिभिजन क्लबको आँखामा पर्नसक्छन् ।’


क्लबले अनुवन्धित खेलाडीहरुको सम्झौता रकम नखुलाए पनि ७० प्रतिशत क्लबले राख्नेछ भने ३० प्रतिशत रकम खेलाडीलाई दिनेछ । धरान फुटबल क्लबले एकेडेमीको शुरुवातमा नै खेलाडीहरुसँग यही सम्झौता गरेको थियो । क्लबले धरानका दुई दर्जन खेलाडीहरुलाई अध्ययन छात्रवृत्तिसहित एकेडेमीको लागि छनौट गरेको थियो । क्षमतावान् व्यावसायिक खेलाडी उत्पादन गर्ने र राजधानीको क्लबमा बिक्री गर्ने लक्ष्य लिएर क्लबले दुई बर्षको लागि उनीहरुलाई एकेडेमीमा राखेको थियो । बि डिभिजनमा आवद्ध भएपनि यी खेलाडीहरु बुढासुब्बा गोल्डकप र पोखराको आहा गोल्डकप भने धरान फुटबल क्लबबाट खेल्नेछन् ।
बी डिभिजन लिगमा आवद्ध हुन पाउदा युवा खेलाडीहरु पनि दंग छन् । बि डिभिजन लिगमा सक्दो मेहनत गरेर खेल्ने खेलाडीहरुको भनाई छ । ‘बि डिभिजन लिग भएपनि खेल्न पाउने कुराले ज्यादै खुशी छौं, यो हाम्रो लागि ठुलो अवसर हो’–च्यासलको लागि अनुबन्धित २० बर्षीय धिरेन लिम्बूले भने–‘मेहनत गछौं, र आफ्नो गेम देखाउछौं ।’ अनुबन्धित खेलाडीहरुलाई आइतबार एक समारोहबीच क्बलले विदाई गरेको थियो ।
......................

              खेलाडीहरुलाई जर्सी वितरण



धरानका व्यावसायी एवं मेहर्स कलेक्सनका प्रोपाइटर मेहरलाल श्रेष्ठले धरान फुटबल क्लबका खेलाडीहरुलाई फुटबल जर्सी सहयोग गरेका छन् । आइतबार क्लबमा आयोजित एक कार्यक्रममा श्रेष्ठले क्लबलाई २० थान जर्सी हस्तान्रतण गरेका थिए । खेलप्रेमी युवा व्यावसायीको छवि बनाएका श्रेष्ठले यसअघि पनि फुटबल क्बललाई सहयोग गर्दै आइरहेका छन् ।




Comments

Post a Comment

धेरै पढिएको

लाहुरे बन्ने धुनमा पढाई र भविष्य डामाडोल

-
Image
धरान । ताप्लेजुङ जिल्लाको सोबुवा हाम्पाङमा जन्मिएका राजिव सुब्बा एक दशकअघि धरानमा स्नातक पढ्दै थिए । उनको पढाई अब्बल थियो । आफुसँगैका केही साथीभाई भने ब्रिटिश आर्मीमा भर्ती लागेर जादै थिए । उनलाई पनि ‘ट्राइ’ गर्न मन लाग्यो । त्यसपछि बिहान बेलुकी दौडने, ह्याविङ, सेटअपलगायत कसरत गर्नु उनको दिनचर्या बन्यो । पूर्वी क्षेत्रको गल्ला, इ–यारो छनौट पार गर्दै उनी पहिलो प्रयासमा नै सेन्ट्रल सेलेक्सनको लागि पोखरा पुगे । यो सन् २००३ को कुरा हो । पोखरा पुगेपछि ब्रिटिश आर्मीमा भर्ती भएर जाने उनको आशा थप बलियो बन्यो । तर, पच्चिस किलोको भारी डोको बोकेर उकालो दौडनुपर्ने छनौटमा उनी असफल भए । ‘डोको क्यारिङ’को असफलताले उनी ब्रिटिश आर्मीको छनौट प्रक्रियाबाट बञ्चित भए । घरबाट विदा भएर पोखरा पुग्दा उनको मनभरी आशा र उत्साह थियो । फर्कदा असफलता र निराशा मात्रै, दिमाग पनि शुन्य । गल्ला छनौटको तयारी, इ यारो छनौट हुदै सेन्ट्रल सेलेक्सनको लागि पोखरा पुग्दासम्म ५ महिना उनले पढाइमा ध्यान दिएका थिएनन् । पढ्न मनै लागेन, त्यस साल उनले परीक्षा पनि दिएनन् । ‘उमेर छदै थियो, पोखरा पुगेको अनुभव पनि भयो । अर्को बर्ष त जसरी
Read more

अनुषा मृत्यु प्रकरण, वलिमान र पदमकुमारी कारागार चलान

-
Image
धरान । धर्मपुत्रीकोरुपमा राखेपनि १३ बर्षीय अनुषा राईको यातना र शोषण गरेर हत्या गरेको आरोप खेपिरहेका धरान १६ का वलिमान राई र उनकी पत्नी पदमकुमारी राई पुपुक्र्षको लागि कारागार चलान भएका छन् । जिल्ला अदालत सुनसरीले सोमबार थुनछेक बहस पछि पैmसला नभएसम्मलाई राई दम्पत्तिलाई पुर्पुक्षको लागि थुनामा राख्न आदेश दिएको हो । आदेश पछि सोमबार नै प्रहरीले राई दम्पत्तिलाई कारागार चलान गरिसकेको जनाएको छ । प्रहरीका अनुसार पति वलिमानलाई झुक्कास्थित क्षेत्रीय कारागार चलान गरिएको छ भने पत्नी पदमकुमारीलाई विराटनगरस्थित कारागार चलान गरिएको छ । थुनछेक बहसपछि आइतबार न्यायधिश युवराज गौतमले पुपुक्र्षमा कारागार चलान गर्ने आदेश दिएका हुन् । ‘मुद्दाको फैसला नभएसम्मलाई दुवै जनालाई पुपुक्र्षको लागि कारागार चलान गर्ने आदेश भएपछि हामीले कारागार चलान गरिसकेका छौं’–इलाका प्रहरी कार्यालय धरानका प्रहरी निरीक्षक यामबहादुर पौडेलले जानकारी दिदै भने । धरान १६ स्थित पुष्यमार्गका राई दम्पत्तिले सानैमा अनुषालाई धर्मपुत्रीकोरुपमा घरमा राखेका थए । गत फागुन १६ गते अनुषाको रहस्यमय मृत्यु भएपछि छरछिमेकीलाई समेत खबरै नगरी दाहसँस्
Read more

मनकारी धराने महिलाहरु, जसले अपरिचितलाई उपचार खर्च जुटाए

-
Image
धरान,साउन १४ । न आफन्त, न चिनजानको व्यक्ति । बीपी कोइराला स्वास्थ्य विज्ञान प्रतिष्ठानमा उपचाररत धनकुटा आहालेका २० बर्षीय जैसन राईको उपचारमा खर्च अभाव भएको थाह पाएपछि सहयोग जुटाउन धरानका ८ महिलाहरु ब्यानरसहित सडकमै आए । करिब तीन सातादेखि बीपी कोइराला स्वास्थ्य विज्ञान प्रतिष्ठान धरानमा उपचाररत धनुकटा आहालेका १८ बर्षीय जैसन राईको उपचार खर्च थिएन । खर्च अभावले उपचारबाट बञ्चित हुनपर्ने अवस्था आएपछि धरानका महिलाहरुले सामाजिक सञ्जालमार्फत सहयोग जुटाउदै आएका थिए । त्यतिले पनि नपुगेपछि उनीहरु साउन १० गते ब्यानर लिएर सडकमा आउनु पर्यो । यसको नेतृत्व लिइन्, धरान १७ की चन्द्रकला राईले । उनको अभियानलाई धरान १८ की रिता राई, धरान १७ की रिमला राई, जीवनकला राई, अनु राई, धरान ८ की बिनिता बेघा, धरान १६ की मनिषा राई र १५ की सरस्वती साह आचार्यले साथ दिए । ‘मेरो भदैनीको मःम पसलमा काम गर्न आएको रहेछ । भदैनीले अस्पतालमा ब्लड चाहियो भनेर फोन गरेपछि पुगे, उसको हालत देखेपछि चुपलागेर बस्नै सकिन,’ चन्द्रकलाले भनिन्,‘मानवताको नाताले पनि फेसबुकमा पोष्ट गर्दै सहयोग जुटाउन थाले । औषधीमा खर्च ज्यादै हुने । पुग्दै
Read more

बजार जोगाउन धरानमा बाइपास सडक, सेउती करिडोरको डिपिआर तयार हुदै

-
Image
धरान, भदौ २२ । जोगवनी–किमाथांका जोड्ने कोशी राजमार्ग सडक मापदण्डअनुसार धरानको बीच बजारमा विस्तार गर्न सम्भव नभएपछि वाइपास सडककोरुपमा चर्चामा आएको सेउती करिडोर बन्ने लगभग निश्चित भएको छ । राजमार्ग आसपासका घरजग्गाधनी र धरान उपमहानगरपालिकाको मागवमोजिम राष्ट्रिय योजना आयोगले सेउती करिडोरको ‘धरान वाइपास सडक’को विस्तृत अध्ययन प्रतिवेदन(डिपिआर) तयार गर्न कन्सल्टेन्सी छनौट गरेर पठाइसकेको छ । डिपिआरको लागि सर्वे गर्न रिमोट एरिया इञ्जिनियरीङ कन्सल्टेण्टका इञ्जिनियर रामकैलाश यादव भदौ ११ गते धरान आएका थिए । उनी तीन दिन बसेर धरान बाइपास सडकको लागि तोकिएका पोइन्टको स्थलगत अवलोकन गरेर विराटनगर फर्किएका छन् । कुनै विवाद नभएमा एक महिनाभित्र सर्वेको काम सरेर रिपोर्ट आयोगलाई बुझाउने उनको भनाई छ । अब तीन दिनभित्र सर्वेको काम पुनः शुरु गरिने यादवले जानकारी दिए । ‘आयोगले भनेअनुसार धरान बाइपास सडकको लागि डिपिआरको लागि म आएको हो, वाइपासको पोइन्ट सेउती र जिरोपोइन्ट गएर हेरे । सेउती वारी कि पारीबाट वाइपास लैजाने भन्ने द्धिविधा छ,’यादवले भने,‘धरानका जनप्रतिनिधिसँग समन्वय गरेर विवाद नहुने गरी सर्वेको काम शुरु
Read more

ड्रोनबाट धरानमा एयरपोर्टको सर्वे

-
Image
धरान । धेरै यात्रुको सिट क्षमता भएको विमान एटिआर ४२ उडान र अवतरण गराउने गरी एयरपोर्ट बनाउन सम्भाव्यता अध्ययनको काम शुरु भएको छ । नागरिक उड्यान प्राधिकरणले सर्वेको लागि नियुक्ती गरेको रियलपाथ इञ्जिनियरीङ कन्सल्टेण्टले शुक्रबारदेखि धरान १७, डाँडाघोपास्थित प्रस्तावित जग्गामा सम्भाव्यताको लागि सर्वेको काम थालेको हो । कन्सल्टेण्टले खटाएको प्राविधिक टोलीले ड्रोनको प्रयोग गरेर धरान एयरपोर्टको सर्वे गरिरहेको छ । एयरपोर्टको सम्भाव्यता अध्ययनको लागि ५ जना प्राविधिक टोली धरान आएका छन् । जसमा सिभिल इञ्जिनियर उत्सव गौतम, इलेक्ट्रीकल इञ्जिनियर आशिष बोहोरा छन् भने अच्युतकुष्ण पाण्डे, प्रकाश सुवेदी र निरज पन्त जियोमेट्रिक इञ्जिनियर हुन् । कन्सल्टेण्ट कम्पनीले उनीहरुलाई सर्वेको प्रतिवेदन बुझाउन एक महिनाको समय दिएको छ । सिभिल इञ्जिनियर गौतमका अनुसार धरान उपमहानगरपालिकाले भनेवमोजिमको क्षेत्रमा ड्रोनबाट फोटो खिचिन्छ । त्यसबाट टोपोग्राफिक सर्वे बन्ने र म्यापिङ हुुने उनले बताए । ‘कस्तो भु वनौट छ, सम्भाव्यता छ छैन भन्ने थाह हुन्छ’–गौतमले भने–‘हाम्रो प्राविधिक टोलीले सर्वेको रिपोर्ट बुझाउछौं, त्यसको आध
Read more