फुर्सद हुनासाथ साइकलमा सरर(फोटोफिचर)
धरानमा सबै क्षेत्रका मानिसहरुको हिजोआज साइक्लिङप्रतिको रुचि बढ्दो छ । ती मध्ये एक प्रतिनिधि पात्र हुन्, राजु । साइकल सिटि अभियानले गति लिन थालेपछि राजु जस्तै विभिन्न पेशा एवं क्षेत्रका मानिसहरुको ध्यान माउण्टेन बाइक एवं साइक्लिङले तानेको छ । शुक्रबार क्रिटिकल मास राइडमा राजुसँगै टोकियो वल्र्ड ल्याङ्वेज एकेडेमीका सागर लिम्बू, एटु कोल्ड स्टोरका अजय लिम्बू पनि पहिलो पल्ट साइक्लिङको अनुभव लिए । ‘सधै केटाकेटी र युवा भाईहरु साइकलमा डुलेको देख्छु, आज त मलाई पनि धरान साइकलमा घुम्ने रहर भयो’–सुनचादी व्यावसायी दर्नालले भने ।
धरानका साइकल सिटि अभियानका अगुवाहरुले ग्रिनह्विल्स माउण्टेन बाइक शोरुमसँग मिलेर प्रत्येक अंग्रेजी महिनाको अन्तिम शुक्रबार गर्वका साथ साइकल चढौं भन्दै ‘क्रिटिकल मास राइड’ आयोजना गर्छन् । यो अभियान शुरु भएको बर्षदिन पुग्न लागेको छ । अभियानमा कलिला बालबालिकादेखि युवा, गृहिणी, व्यावसायी र सामाजिक क्षेत्रमा क्रियासिलहरुको सहभागीता बढ्दै गइरहेको अभियान्ताहरु बताउछन् । ‘हरेक हप्ता सबै क्षेत्रको सहभागिता बढ्दो छ, यसले साइक्लिङ र आफ्नो स्वास्थ्यप्रति मानिसमा सचेतना बढ्दै गएको देखिन्छ’–अभियन्ता एवं शिक्षक दिपक राईले भने ।
Comments
Post a Comment