धरानमा रोकिएको मतगणना सुचारु
बिहान ४ बजे वडा नं ८ को मतगणना सकेपछि स्थगित भएको मतगणना झण्डै ४ घण्टापछि साढे ११ बजेदेखि पुनः सुचारु भएको हो । सहायक निर्वाचन अधिकृत गणेशप्रसाद खतिवडाका अनुसार वडा ८ को मतगणना सम्पन्न गरेर बिहान ७ बजेदेखि वडा ९ को सुरु गर्ने सहमति भएपनि कांग्रेसका प्रतिनिधिहरु गणनास्थलमा नआएपछि केही घण्टा मतगणना रोकिएको बताए । ‘बिहान ४ बजेसम्म वडा ८ को मतणना सकिएको थियो, त्यसपछि ७ बजेदेखि ९ को गणना शुरु गर्ने सहमति भएको थियो, तर कांग्रेसको प्रतिनिधिहरु नआएपछि केही समय रोकिएको हो,’ खतिवडाले भने, ‘साढे ११ बजेदेखि गणना शुरु भइसकेको छ ।’
कार्यालयका अनुसार सर्वदलीय बैठक बसेर सुचारु गर्ने सहमतिपछि ६ वटा टोली बनाएर वडा ९ र १० को मतगणना शुरु भइसकेको छ । कांग्रेसका मेयर उम्मेदवार तिलक राईले मतगणनास्थल ज्यादै अव्यवस्थित भएको र निर्वाचन कार्यालयले दिने सुचनामा पनि एकरुपता नभएपछि व्यवस्थित गर्न माग गर्दै गणनालाई केही समय रोकेको बताए । ‘दिनभरि चै धेरै टोली बनाएर गणना गर्ने तर राती नगन्ने प्रवृत्ति भयो । सुचना पनि फरक फरक आयो । धेरै टोली हुदा एउटाले अर्कोलाई डिस्टर्ब हुने भएपछि व्यवस्थित गर्न भनेका हौं ।’
Comments
Post a Comment