बुधबार(आजदेखि)सुर्य नेपाल इष्र्टन ओपन हुदै

इष्र्टन ओपनका साविक विजेता रवि खड्का निर्वाण कन्टी क्लबस्थित गल्फ कोर्षमा मंगलबार अभ्यास गर्दै ।

धरान । सूर्य नेपाल गल्फ टुरअन्र्तगत चार दिने सूर्य नेपाल इष्टर्न ओपन २०१४ आज(बुधबार) देखि धरानमा शुरु हुदैछ । पार ७० को निर्वाणा कन्ट्री क्लब हेल्थ एण्ड गल्फ रिसोर्टमा हुने प्रतियोगितामा ३१ प्रोफेस्नल र २५ जना एमेच्योरसहित कुल ५६ जना खेलाडी सहभागी हुदैछन् । प्रतियोगिताको सम्पुर्ण तयारी भइसकेको आयोजक नेपाल प्रोफेसनल गल्फर्स एशोसिएशनले जनाएको छ ।
 प्रतियोगितामा सहभागी हुन पाँच दिनअघि देखि नै काठमाण्डौं, पोखराबाट खेलाडीहरु धरान आएर गल्फ कोर्षमा अभ्यास गरिरहेका छन् । प्रतियोगिताको शुरुवाती तीन दिन उपाधिको लागि मुख्य इभेन्ट हुनेछ भने चौथो दिन प्रोफेसनल र एमेच्योर खेलाडीबीच मैत्रीपुर्ण प्रो–एम खेल हुनेछ । मुख्य इभेन्टतर्फ दुई दिनको खेल प्रर्दशनको आधारमा मात्रै उत्कृष्ट २१ गल्फरहरुले अन्तिम दिन खेल्न पाउने आयोजकका अफिसियल रामजी राजवाहकले जानकारी दिए । उनका अनुसार गएको बर्षभन्दा यो बर्ष कोर्ष र ग्रीनको अवस्था राम्रो छ ।

प्रतियोगितमा साविक विजेता रवि खड्कासहित नेपालका नम्बर वान गल्फर शिवराम श्रेष्ठ, सञ्जय लामा, दिपक मगर उच्च फर्ममा छन् भने धरानका प्रोफेस्नल गल्फरहरु मणी राई, सुमन राई, देउराज पाख्रिन, सविन सापकोटा, थामबहादुर राई र सुमन सापकोटाले घरेलु कोर्षको फाइदा लिन सक्नेछन् । अहिलेसम्म सन् २००९ मा सविन सापकोटाले उपाधि जितेबाहेक कसैले पनि घरेलु मैदानमा उपाधि उचाल्न सकेको छैन । ‘कोर्ष र ग्रीन एकदमै राम्रो छ, मेहनत पनि गरेको छु । तर, सबै राम्रा खेलाडीहरु छन्’–सन् २००१३ र १२ का च्याम्पियन रवि खड्काले भने–‘उपाधि जोगाउन सक्दो कोसिस गर्नेछु ।’
प्रतियोगितामा कुल पुरस्कार राशी ५ लाख १४ हजार ५ सय रुपैया रहेको छ । प्रतियोगिताको विजेताले ९५ हजार पाउनेछन् भने दोस्रो र तेस्रो हुने खेलाडीले क्रमशः ६० हजार र ३३ हजार पाउनेछन् । आयोजकका अनुसार प्रतियोगितामा २१ औं स्थानमा रहन सफल खेलाडीहरुले नगद पुरस्कार पाउनेछन् । धरानमा सन् २००२ मा पहिलो पटक इष्र्टन ओपन भएको थियो । त्यसपछि रोकिएको यो प्रतियोगिता सन् २००८ देखि भने निरन्तर आयोजना हुदै आएको छ ।