चौथो नेबि कप बिहिबारदेखि
धरान । चौथो सामुराई जापानिज ल्यांग्वेज धरान इन्टर कलेज फुटबल टुर्नामेन्ट(नेबि कप) ०७१ माघ २९(बिहिबार) देखि शुरु हुदैछ । आयोजक नेवि स्पोर्टस् युनियनले मंगलबार पत्रकार सम्मेलन गर्दै प्रतियोगिताको सम्पुर्ण तयारी सकिएको जनाएको छ । आयोजकका अनुसार फागुन १० गतेसम्म हुने प्रतियोगिता धरान १६ स्थित भगवती निमाविको खेल मैदानमा सञ्चालन हुनेछ ।
०६६ देखि शुरु भएको प्रतियोगिताको चौथो सँस्करणमा भने काठमाण्डौंस्थित सामुराई जापानिज ल्यांग्वेजले मुख्य प्रायोजन गरेको छ । प्रतियोगिता ०६७ र ०६८ सालमा भने आयोजना हुन सकेको थिएन । प्रतियोगितामा धरान क्षेत्रका विभिन्न २५ वटा कलेज तथा उच्चमाविहरुले सहभागीता जनाउने आयोजक संस्थाका अध्यक्ष दिपक थापा मगरले जानकारी दिए । ‘यो प्रतियोगिता धरानको एक मात्रै ठुलो कलेजस्तरीय फुटबल प्रतियोगिता हो । यसलाई विगतको भन्दा भव्य बनाउन सबै तयारी पुरा भइसकेको छ’–अध्यक्ष थापाले भने ।
प्रतियोगिताको विजेताले नगद २० हजार २ सय २० रुपैया, मेडल र ट्रफी हात पार्नेछ भने उपविजेताले १० हजार १ सय १० रुपैया हात पार्नेछ । प्रथम पुरस्कारको नगदसँगै ३ वटा वल मुख्य प्रायोजकले उपलब्ध गराएको हो भने दोस्रो पुरस्कार राशी धरान ५ स्थित मिक कम्प्युटर प्रालिका सञ्चालक राजकुमार थोप्रोले प्रायोजन गरेको अध्यक्ष थापाले जानकारी दिए । प्रतियोगितामा वेष्ट प्लेयर, वेष्ट स्ट्राइकर, वेष्ट गोलकिपर, वेष्ट डिफेन्स, वेष्ट मिडफिल्ड, फेयर प्ले टिमको व्यक्तिगत पुरस्कार पनि दिइने उनले बताए । प्रत्येक खेलमा म्यान अफ दि म्याच पनि दिइनेछ ।
Comments
Post a Comment