बुढासुब्बा गोल्डकप प्रर्वद्धन गर्न मिडिया कप, धरान मिडिया र खेलकुद समिति फाइनलमा
धरान । फागुन ७ गतेदेखि शुरु हुन लागेको १७ औं बुढासुब्बा रेडबुल गोल्डकपको प्रर्वद्धन गर्ने उद्देश्यले शुक्रबारदेखि धरानमा दोस्रो स्काईसप मिडिया फ्रेण्डसिप कप ०७१ शुरु भएको छ । धरान १८ स्थित बीपी कोइराला स्वास्थ्य विज्ञान प्रतिष्ठानको खेल मैदानमा शुरु प्रतियोगितामा धरान मिडिया स्पोर्टिङ क्लब र सुनसरी जिल्ला खेलकुद विकास समिति ११ फाइनल प्रवेश गरेको छ ।
यस्तै, दोस्रो खेलमा खेलकुद विकास समितिका उत्तम खत्री र लक्ष्मण राईले एक एक गोल गर्दै टिमलाई फाइनल पुर्याए । खेलकुद समितिको जितमा महत्वपुर्ण भुमिका खेलेका गोलकिपर युवराज अधिकारी म्यान अफ दि म्याच घोषित भए । उनलाई क्षेत्रीय फुटबल संघका सदस्य दिपक राई र नेपाल पत्रकार महासंघ सुनसरीका अध्यक्ष केशव घिमिरले मेडल तथा उपहार प्रदान गरेका थिए ।दुई दिने प्रर्वद्धनात्मक प्रतियोगिताको आयोजक धरान मिडिया स्पोर्टिङ क्लब हो भने संयोजक धरान फुटबल क्लब हो । मुख्य प्रतियोगिता बुढासुब्बा रेडबुलको १७ औं सँस्करण फागुन ७ देखि १६ गतेसम्म सञ्चालन गर्ने तयारी भइरहेको छ । फाइनल खेल शनिबार बिहान हुने आयोजक क्लबका अध्यक्ष जनकऋर्षि राईले जानकारी दिए ।
Comments
Post a Comment