यामाहाको नयाँ मोडलको मोटरसाइकल बिक्री शुरु
धरान । यामाहा मोटरसाइकलको आधिकारिक बिक्रेता गजुरमुखी ट्रेड एण्ड सर्भिस लिंकले एफजेडएस एफआई भर्सन २ र एफजेड एफआई भर्सन २ मोटरसाइकलको धरानमा बिक्री शुरु गरेको छ । गजुरमुखीले बिहिबार एक औपचारिक कार्यक्रम गरेर नयाँ मोडलको यो मोटरसाइकलको बिक्री प्रारम्भ गरेको हो ।धरान ८ स्थित शोरुमा आयोजित कार्यक्रममा नेपाल पत्रकार महासंघ सुनसरीका अध्यक्ष केशव घिमिरे र गजुरमुखीका संस्थापक गोपाल आचार्यले संयुक्तरुपमा नयाँ मोटरसाइकल सार्वजनिक गरेका थिए । सोही अवसरमा मोटरसाइकल खरीद गर्ने ७ जना ग्राहकलाई चाबी हस्तान्तरण पनि गरिएको थियो । यामाहाको नयाँ मोटरसाइकल गुणस्तरीय र इञ्जिन क्षमता पनि उच्च रहेकोले राम्रो माइलेज र उच्च पिकअप दिने कम्पनीले जनाएको छ । यो मोटरसाइकलमा अत्याधुनिक र उच्च प्रविधियुक्त १४९ सिसिको ब्लु कोर फ्युल इन्जेक्टेड इञ्जिन जडान गरिएको यामाहाको नेपालको लागि आधिकारिक बिक्रेता एम.ए.डब्लु इन्टरप्राइजेजका सेल्स मेनेजर प्रकाश देवकोटाले बताए ।
Comments
Post a Comment